Kem Lingón 146:3 - Udél Dwata: Gna Kesfasad ne Lomi Kesfasad

³ Hol béem ken-gel nawa yó kem tau mogot benwu. Laen dù bélê le ke gembek lemwà kóm.

Kem Lingón 146:3 Referans Kwoze

Isaya 2:22

Yó gónóm mon, bê tekuy abay smalig bè tau, mahil le matay se kul. Laen dù mu te smalig kul. Là gomongen bè nili yóm tsaptér 3. Yó htulón Dwata ke Isaya yóm angat ktafak Dwata yó kem tau bè benwu Juda. Yó monen bè bérs 8, “Angat gbà Juda ne Jirusalim lemwót bè yóm alì kehnê le ke Dwata ne yóm là kimón le du. Tey le móyô mò salà mkél bè yó kem tau bè Sodom. Bà udì ke olò wen yak le. Tey angat ksideken yóm angat kól bélê le. Yóm gel kmò le sidek mit kul meglà.” Bè yóm keglà Dwata kul yó, yó udél Dwata ebè yó kem gel mimón du, monen, “Wen ofol knóón blayu kuy.” Okóm yó udélen ebè yó kem gel mò sidek, “Dohò ye meglà. Yu snéen gemwa du yóm kuy ofol. Deng ye móyón megtafak ne.” Yó kem tau tanay gónó Dwata hegnóm du yóm ktafaken kul, duhen yó kem tau gel malak bè yó kem benwu le, abay se deng mom lu yóm wen gónó le ma lemwót bè yóm kehegnok le yó kem tau élél. Yó todol gónó Dwata bud hegnóm du, duhen bè yó kem libun hton dóyón gel lemsek yó kem nes gónó le gel gbóy yó kem logi. Yóm alì sidek ktafak Dwata kul yó duhen yóm gotu kegef le kul ebè Babilun. Laen kô dù bud tebel bélê le són yóm yak le. Ne yó kem logi bè yóm syudad Jirusalim yó, gotu le matay bè gida. Là gomongen bè nili yóm tsaptér 4. Htulón Dwata ke Isaya yóm angat kól, monen bè bérs 1, “Bè yóm kdaw yó là holen dê yó kem logi tebel. Hitu libun semgled du bè yóm ket sotu logi ne yó mon le, ‘Bayaem mi myehen kóm! Tódô mi mebel mò kmò kken me ne knes me. Okóm hyu ke gel tnaba le mi mlan bè yóm kóm boluy anì là gel henlò le kum kem libun là myehen.’ ” Okóm yó sotu bud htulón Dwata ke Isaya yóm bud kehguléken klowil yó kem tau, kogol yóm kegbaen yóm benwu Juda ne Jirusalim ne khegefen yó kem tau. Yó monen bè bérs 3—5, “Tu kem kdê boluy deng snulat le, tu se yó kem tau tolo mowil kdeng yóm kegbà Jirusalim, gotu le baling tau mólós. Gotu nolob Dwata yóm kehdóyón yó kem libun bè Jirusalim. Gotu hólósen yó kem tau bè Jirusalim bè yóm gónó le là gulit. Ne kenlung Dwata Jirusalim ne gomong yó kem tau nô bè yó.”

Kem Lingón 108:12

Ó Dwata, hol tnóbóngem mi bè yó kem hohon me, abay se laen kô dù muhen yóm tóbóng tau.

Isaya 37:6

ominen hemwit udél se kun ebè Hisikaya, monen. “Ni se udél Dwata ebéléem. Hol béi abay hlikò bè yóm deng gungolem lemwót gu bè yó kem tau Asirya yó, yóm mon le là gbek Dwata lemwà kuy.

Isaya 31:3

Là kô le Dwata yó kem tau Idyip snalig le, olo le tau tonok. Yó kem kudà le laen dù tulus le, senged le bè kem dumu kudà snéen. Ke tnafak Dwata yó kem alì kemgis yó, gotu le meglà. Ne yó kem tau tô tnóbóng le gotu le gomong meglà ne matay se kul.

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.

Kem Lingón 60:11

Hol tnóbóngem mi dé semfatay yó kem hohon me, abay se yóm kun któbóng yóm tau, laen kô dù gónón e kól.

2 Bok Kem Tau Hol Geta 6:27

Bnalà yóm tau hol geta se, monen, “Ke là tnóbóng Dwata kóm, tedu se tô gmou du? Laen dù ken duhen ke tifas grép mò blayu kóm.”

2 Tutul Israél 16:7

Bè yóm kdaw yó, lemwót Hanani yóm tau gel wen hton Dwata du, mógów ebè Asa yóm tau hol geta bè benwu Juda, ne monen mò du, “Lemwót bè yóm ksaligem yóm tau hol geta bè benwu Aram, ne là dog snaligem du yóm sana kóm Dwata hol gónó mogot, deng le gotu mdó bè benwuhem yó kem sendalù Israél tô blay Dwata elem hólólem.