Kem Lingón 146:10 - Udél Dwata: Gna Kesfasad ne Lomi Kesfasad

¹⁰ Dwata se yóm hol dandónen geta, ne laen kô dù tul sónen yóm kegetahen. Yu kem tau menwu bè Sayun, yóm Dwata gónô ye kmulu, laen kô dù sónen yóm kogoten kuy. Hol dóyón tekuy Dwata.

Kem Lingón 146:10 Referans Kwoze

Kem Lingón 10:16

Dwata se yóm hol geta laen kô dù tul sónen. Yó kem tau gel tmaba ebè yó kem dwata kéng, tódô gotu kó Dwata lu bè yóm kun benwu.

Kehewà 15:18

Uu se, Dwata, laen kô dù tul sónen yóm alì kegetahem.”

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Danyél 7:14

Yó nmò yóm Tuha yó, benlayen kwalis ne tey kehegetahen du, mung du yóm kfasang mogot klamangen benwu anì tódô kdéen tau, balù kihu but ktau le, balù kihu benwu le, balù kihu udél le, gotu mimón du. Yóm kkamalen benwu, laen kô dù nan e són ne là kóen gbà yóm kogoten tau.

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Juwél 3:17

Yó bud udél Dwata, monen, “Bè yóm kdaw yó angat tngón ye ou se yóm sana kuy Dwata hol gónó mogot. Nóe bè Sayun yóm bulul deng htólóngu mò dou. Angat tey mólós yóm Jirusalim ne là kô bud gundug le du yó kem sendalù lemwót bè tólóng benwu.

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Isaya 40:9

Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Kem Lingón 145:13

Laen kô dù tul sónen yóm kkamalem, ne laen kô dù tul sónen snéen yóm kegetahem. Là kô klifót Dwata du yóm kdê tehe fasaden tekuy. Gotu gfan bè kdê yó kem gel nmoen yóm kkoduhen tau.

Kem Lingón 147:12

Hol dóyón ye Dwata, yu kem tau bè Jirusalim. Hol dóyón ye Dwata se kuy, yu kem tau bè Bulul Sayun.

Isaya 52:7

Tey minggel mton du yóm tau hógów le hulé bulul niten yóm tulón hyu. Yó lemen, duhen yóm tulón mit kenek nawa. Gotu heglalagen yóm deng kegmò le bè kem hohon le. Ne yó udélen ebè yó kem tau bè benwu Sayun, monen, “Yóm kuy Dwata, du se hol dandónen geta mogot klamangen.”