Kem Lingón 143:3 - Udél Dwata: Gna Kesfasad ne Lomi Kesfasad

³ Deng ktesen o hohonu. Deng tódô hlasaen o bè tonok. Deng tódô lohen ou elem gónón kmifu, hol lómón kmou yóm tau matay deng lebeng.

Kem Lingón 143:3 Referans Kwoze

Kem Lingón 142:6

Hol hnungolem yóm tey kehkoduhu béléem, yakem wen se bud nefet nawahu. Hol lenwaem o lem tdok yó kem hohonu, yakà tey le alì kemgis sentahu.

Kem Lingón 35:4

Hol henyakem lu yó kem tau tô hmatay dou. Hol hulékem lu, hesbewegem kehedem le.

Kem Lingón 7:5

ke yó deng nmou, Dwata, yó ne hekfóem ou bè hohonu. Hfatayem ou bélê le, ne tódô bayaem lówóhu masà ta tonok.

2 Samwél 18:11

Yó mon Juab bè yóm tau tmulón du yó, “Na. Tonem kô? Moem là tmibó du bè yó du? Ke deng tnibóhem, deng benlayu u sfolò botù blówón bukay ne hilet sendalù.”

Isikél 37:11

Yó bud udél Dwata ebéléu, monen, “Ó Tau Tonok, ni kem tiol nii hnigaden yóm kdéen tau Israél. Yó tendo gel mon le, ‘Yóm klowil tekuy yóm kmoen ni, hol lómón ke tiol deng legen, laen dù bud nefet nawa tekuy ne, ne laen dù bud gónón e kól yóm klowil tekuy elem hulin kdaw.’

Kem Lingón 54:3

Nundug le ou yó kem tau alì hegmón. Nalu hnatay le ou yó kem tau alì mò sidek yó, kem tau laen dù nawa le ebè Dwata.

Kem Lingón 7:6

Ó Dwata, hekmóni, géhéli lemwót, mung du lebutem. Senfatayem yó kem hohonu alì sidek kebut le dou. Géhéli lemwót, Dwata, nwitem yóm kukum tedeng.

Mika 7:8

Laen kô dù lan le kmuli do yó kem dou hohon. Denge tlokob, okóm angate bud mdà. Balù yóm deng knóu lem gónón kmifu, okóm Dwata se hlayag do.