Kem Lingón 143:1 - Udél Dwata: Gna Kesfasad ne Lomi Kesfasad

¹ Ó Dwata, hol hnungolem yóm knihu béléem, hnungolem yóm kehkoduhu béléem. Hol bnalaem o, abay se là kóen monol nawahem ebéléu, ne tey tedeng yóm kóm kmò.

Kem Lingón 143:1 Referans Kwoze

Kem Lingón 71:2

Lemwót bè yóm tey ktedengem, hol lenwaem ou lem hólól yó kem hohonu. Hol henklinguhem ou, ne lenwaem ou.

Kem Lingón 140:6

Yó monu mò ke Dwata, “Uu se yóm dou Dwata.” Hol hnungolem, Dwata, yóm kehkoduhu béléem.

Kem Lingón 31:1

Ó Dwata, són béléem gónów hofin. Hol tnóbóngem ou anì laen dù gónów myak. Lemwót bè yóm tey ktedengem, hol lenwaem ou.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

Danyél 9:16

Ó Dwata, lemwót bè yóm tey kehyu yóm tehe gel któbóngem kum, yó gónó me mni béléem anì béem bud lenbut ne yóm syudadem Jirusalim yóm kóm bulul. Lemwót bè yó kem salà me ne salà yó kem tehe fù me but gónó le alì hemnê yóm benwu Jirusalim ne yó kem tauhem yó kem tau menwu hmilol kum.

2 Samwél 7:25

Duhen ni, Dwata yóm sana Dwata hol gónó mogot, hendohoem yóm deng fasadem do dalang se bè yó kem fes lówóhu, lómón yóm deng monem.

Kem Lingón 17:1

Ó Dwata, hnungolem yóm knihu béléem anì uu kmukum dou. Hnungolem yóm kehtóbóngu béléem. Henklinguhem dou yóm hnihu, abay se hono tahu.