Kem Lingón 140:9 - Udél Dwata: Gna Kesfasad ne Lomi Kesfasad

⁹ Hol tles heglaem yó kem hohonu bè yóm sidek deng atul le etahu.

Kem Lingón 140:9 Referans Kwoze

Kem Lingón 7:16

Bud mulék eta le yóm sidek tô nmò le bè dumu tau. Natul le hemsidek dumu tau, okóm bud mulék eta le.

Kem Udél Hlalak Tehe Selumun 18:7

Yó gónón meglà yóm tau book lemwót bè kudélen ne bud bè kudélen gónón gholot.

Kem Udél Hlalak Tehe Selumun 12:13

Gholot lemwót bè kun ksidek kudél yóm tau gel mò sidek, okóm yóm tau tedeng kmoen gewà gu lem hlayam.

Kem Udél Hlalak Tehe Selumun 10:11

Yóm kun kudél yóm tau tedeng kmoen, ten-gelen nawa kem dumun tau, okóm yóm kun kudél yóm tau gel mò sidek gónón gebnos yóm alì ksidek nmoen.

Kem Udél Hlalak Tehe Selumun 10:6

Gutahen yóm kehyu klowilen yóm tau tedeng kmoen, okóm yóm tau gel mò sidek yóm kun kudél gónón gebnos yóm alì ksidek nmoen.

Kem Lingón 94:23

Angat hulék Dwata eta yó kem tau gel mò sidek yó kem ksidek nmò le. Angat gotu genlaen lu lemwót bè yó kem salà le. Yóm Dwata hol gónó tekuy mogot fen gemlà kul.

Kem Lingón 64:8

Lemwót bè yóm kudél le, yó gónó Dwata gemlà kul. Kdê yó kem mton yóm keglà le, angat le gotu hising.

Istér 7:10

Tahu se, tléwéng le Haman bè yóm koyu tô hefdaen bè Murdikay. Ominen yó he malù lembó kebut yóm tau hol geta.

Matyu 27:25

Ne mon le se, “Tódô kum nbô ne litóen nim tau ni, dalang se kem kum ngà.”

Istér 5:14

Ne yó mon yehenen mò du ne yó kem ween, “Moem là hefdà yóm koyu gónó le gel tméwéng tau, lewu folò lewu mitru kegetahen. Hlafus haya hnihem bè yóm tau hol geta anì tléwéngem du Murdikay. Ke deng yó, hligali ne mógówi ebè tum ken gónó Boi Istér tminok kuy.” Tahu se, hyu nawa Haman du yóm atul tulón le du yó, yó gónón kendel hefdà yóm koyu gónó le gel tméwéng tau.

Dwata 32:27

Okóm là kóe móyô ke salù yó kem hohon le yóm kegmò le bè yó kem dou tau, igoen ou yóm gemlà kul.’