Kem Lingón 140:3 - Udél Dwata: Gna Kesfasad ne Lomi Kesfasad

³ Tey des yóm udél gel btang bè sumóng le, hol lómón ékét ulal, ne tey des kudél le, hol lómón alas sedof.

Kem Lingón 140:3 Referans Kwoze

Kem Lingón 58:4

Wen tey alas le lómón alas ulal. Mkél le bè sedof, là kô le móyô hmungol.

2 Kurin 11:3

Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

Kem Udél Hlalak Tehe Selumun 23:32

Yó uléken ke soki minum sidek kegnómem du kogolen lómón ke nékéten u yóm ulal alì malas.

Matyu 12:34

Ya nim yu kem tau, knawa ye ulal. Yó gónón sidek kebkó ye, abay se hono sidek yóm nô lem hendem ye. Yó se nô lem hendem yóm tau, yó se sut bè sumóngen.

Jirimaya 9:5

Ket tau, snukaten kem dumun. Laen kô dù bélê le tmulón yóm ktahuhen. Hono kéng btang bè sumóng le. Botong le miteg bè yóm kmò le salà.

Jirimaya 9:3

Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.

Kem Lingón 57:4

Tódô snibut le ou yó kem hohonu, hol lómó kmò le, lómón yó kem liyun alì bitil móyô msék tau. Yóm ktelem yó kem nihi le, hol lómón ktelem yó kem buyus ne yó kem hanak. Tey telem kudél le, hol lómón ktelem yó kem sudeng sbalà bak.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Kem Udél Hlalak Tehe Selumun 12:18

Yóm tau gel sidek kebkóhen tey gbeng lem dumu tau du, okóm yóm kun udél yóm tau hulung hedem, hemyu nawa.

Tekang Kbuten 3:13

Ne snólók Dwata yóm libun, monen mò du, “Moen de ke nmoem nim ni?” Ne yó balaen du yóm libun, monen, “Yóm ulal fen smukat dou, yó sem gónóhu mken du.”

Kem Lingón 59:7

Hnungol ye dé yóm udél le hemnê ne udél le móló hmatay. Yóm udél le yó, hol lómón ke sudeng sbalà bak. Yó hendem le, “Laen kô dù tau gmungol kum.”

Kem Udél Hlalak Tehe Selumun 6:14

Laen kô dumu nô lem hendemen, són moen tendo matul mò sidek ne balù kihu lanen mógów són moen sembeweg kem tau.