Kem Lingón 140:2 - Udél Dwata: Gna Kesfasad ne Lomi Kesfasad

² yó kem tau sónmò le matul mò sidek lem hendem le, ne lenulus le kdaw tendo mò sidek.

Kem Lingón 140:2 Referans Kwoze

Kem Lingón 56:6

Gel le stifun bè yóm gónón gebnos, tendo tenngel le yóm kdê nmou, sen-galu le ke hnatay le ou.

Kem Lingón 36:4

Là kô le gtungô ke kifu, són natul le yóm sidek bud nmò le. Laen kô dù hyu du yóm gel nmò le. Là kô knogol le du yóm sidek.

Nahum 1:11

Béléem Ninibi, gónón lemwót yóm tau alì sidek katulen ke Dwata. Du se yóm tau tódô senflósen hmau kem dumun mò sidek bè yó kem tau bè dumu benwu.

Kem Udél Hlalak Tehe Selumun 12:20

Són ksukat nô lem hendem le yó kem tau gel matul mò sidek, okóm yó kem tau matul yóm hyu bè kem dumu le wen kligal le se kul.

Kem Lingón 120:7

Ke yó dou udél gbak bè kenek kbenwu, mom yó kul, mit le sgida.

Kem Lingón 62:3

Tey dê yó kem hohonu, tek sotu blà le, kdê le gotu mifis hmatay dou. Kton le dou, lómón tóe beng deng gbà, duhen ke labat deng gotu hugón.

Kem Lingón 38:12

Yó kem tau tô malu hmatay dou, deng wen holot nmò le mò alu le dou, kem tau deng eles natul le yóm keglau. Tódô snilef le kdaw matul du yóm angat ksukat le dou.

Kem Lingón 21:11

Baluen ke wen sidek atul le etahem, laen kô gónón e kól yóm atul le yó.

Kem Lingón 59:3

Deng wen gónó le hmékét dou. Kem tau alì lóbô fen mangat dou bè yó, yakem wen sem salà deng nmou bélê le, Dwata.