1 Ó Dwata, hol lenwaem o bè yó kem tau gel mò sidek. Nofinem o bè yó kem tau alì lóbô,
Ó Dwata, tnóbóngem o anì là nóe lem hólól yó kem tau gel mò sidek. Kenlungem o bè yó kem tau alì lobô, yakà nifis le o.
ne lenwaen ou lem hólól yó kem hohonu. Tey kehegetahem dou, Dwata, senta yó kem hohonu. Deng lenwaen ou lem hólól yó kem tau mahil hmatay tau.
Uu se dou Dwata, hol lenwaem ou lem hólól yó kem tau mò sidek, lem hólól yó kem tau laen dù tedeng bélê le, kem tau sidek balu le.
Hol béem abay hdengen lu yó kem tau mò kéng bè nim benwu me. Hol wen he hlayam hgefetem bélê le yó kem tau alì lóbô.
Hekmóni kut, Dwata. Senfatayem lu dou yó kem hohonu anì gotu le meglà. Nwitem sudengem, hewaem ou lem hólól yó kem tau gel mò sidek yó.
Ó Dwata, hol hdilóem yóm là ktahuhen yóm gel duón le dou yó kem tau là temngón kóm. Hol nfihem ou. Hewaem ou lem tdok yó kem tau mò kéng ne bè yó kem tau gel mò sidek.