Kem Lingón 139:4 - Udél Dwata: Gna Kesfasad ne Lomi Kesfasad

⁴ Balù yóm gu laanu là deng mudél, eles tngónem yóm angat monu.

Kem Lingón 139:4 Referans Kwoze

Kem Lingón 19:14

Hol tnóbóngem ou, Dwata, bè yóm kmò kudélu ne bè yóm kmò kehedemu anì hyu nawahem du. Són uu se yóm gónóhu e mlo, ne són uu yóm deng msok dou.

Job 42:3

Deng snólókem ou, monem, ‘Tmau kóm de mudél laen dù lem, tô smólók yóm dou khulung hedem?’ Tahu se, Dwata, deng tey dê udélu gbak bè yóm là deng tngónu du ne gbak ebè yóm tey tennga là kô deng glilebu du.

Sulat Jim 1:26

Ke wen tau hemdem du deng tey bong kun kehtahu bè Dwata, okóm ke là gafasen du ksumóngen, laen dù muhen yóm tô kehtahuhen yó, olon tmondo knóen.

Jirimaya 29:23

Abay se ni kem tau ni, tey gedlug yóm salà nmò le bè yó kem tauhu. Kóem snamuk le yehen yó kem dumu le sebét ne gel le mò kéng hlan le bè boluyu. Ou se temksì du nim ni,” mon Dwata.

Job 38:2

“Tmau kóm de mudél laen dù lem, tô smólók yóm dou khulung hedem?

Sifanaya 1:12

Bè yóm kdaw yó, angat wen solok nwitu mò soloku bè yóm gónón alì kmifu bè Jirusalim, hnebelu yó kem tau alì hmingay du yóm kegsalà le. Yó gel hendem le, ‘Laen kô dù hyu nmò Dwata bélê me ne laen se dù sidek nmoen.’