Kem Lingón 139:21 - Udél Dwata: Gna Kesfasad ne Lomi Kesfasad

²¹ Tey sidek kutó nawahu kul, Dwata, yó kem tau kmutó nawa kóm. Tey sidek kekbéu kul yó kem tau gel mulé kóm.

Kem Lingón 139:21 Referans Kwoze

Kem Lingón 119:158

Tey kkutó nawahu kul yó kem tau là hemtahu béléem, abay se là kô nimón le du yó kem hlauhem.

Kem Lingón 31:6

Tey keklitu kul yó kem tau tmaba ebè yó kem dwata lennged laen dù muhen. Okóm béléu dou, són uu, Dwata, yóm dou snalig.

Deng Hegfan 2:2

Yó monen, “Deng gotu tngónu se yóm deng gel nmò ye, ne tngónu yóm khotu ye nawa ye mò nmò, ne yóm gel khanay ye nawa ye. Ne tngónu snéen yóm gel kekbê ye yó kem tau mò sidek, ne yóm gel ktilów ye kul yó kem tau lembù mit du yóm dou udél, ne tódô dilô ye se yóm kéng le.

2 Tutul Israél 19:2

Senlong Jihu yóm tau wen hton Dwata du, ngà Hanani. Yó mon Jihu mò du, “Moen du ke mom tnóbóngem yó kem tau gel mò sidek, fen kenbong nawahem yó kem tau kmutó nawa ke Dwata? Lemwót bè nim nmoem ni, gbunuem ne yóm kebut Dwata kóm.

Deng Hegfan 2:6

Okóm ni se yóm hyu deng tonu bélê ye. Yóm kekbê ye yó kem sidek gel nmò yó kem tau Nikulasya, lómón se yóm dou kekbê du.

Kem Lingón 26:5

Tey keklitu du yóm gel kestifun le yó kem tau sidek gel nmò le. Là kóe móyô segmung kul bè yóm gel nmò le.

Kun Snulat Luk 19:41

Ngang le Jisas mógów efet le móyón gdofì bè Jirusalim. Bè yóm ktonen yóm syudad bong yó, botong mosok lewoken,

Mark 3:5

Bè yóm ketngel Jisas ebélê le, tey kebuten kul. Okóm nô bè yó se klayuk nawahen kul, abay se dilóen bélê le yóm tey kgel kulu le ne yóm klaen dù keskodu bélê le. Ominen bud haking ebè yóm tau kimoy sigelen, monen mò du, “Ó Wè, bentolem sigelem.” Ne tahu se, bentolen, ne hol lómón ke laen dù tehe desen.

Kem Lingón 119:136

Ke gel hendemu yó kem tau là mimón du yó kem hlauhem, tey sidek kkiku.

Kem Lingón 15:4

Tey kenbéen se kun yó kem tau kenbê Dwata, okóm tey nadaten yó kem tau mimón ke Dwata. Ne sal gel dnohoen ke wen fasaden, balù nô keblaten béléen.