Kem Lingón 139:2 - Udél Dwata: Gna Kesfasad ne Lomi Kesfasad

² Deng gotu tngónem yóm kdê nmou, ne yó kem angat hendemu, deng eles tngónem.

Kem Lingón 139:2 Referans Kwoze

Matyu 9:4

Tódô tngón Jisas yóm nô lem hendem le, yó gónón mon du mò kul, “Moen de ke sidek kmò kehedem ye ebéléu?

2 Bok Kem Tau Hol Geta 19:27

Okóm tngónu uu. Tngónu gónóhem gu ne gónóhem e solu ne yóm kdê nmoem. Tngónu se yóm alì keklitem do.

Kun Snulat Luk 9:47

Blaem deng sana tngón Jisas yóm kehedem le, yó gónón ma yóm sotu ngà, ne hdaen klohoken,

Kem Lingón 94:11

Gotu tngón Dwata yóm kehedem tau, tngónen laen kô gónón e kól.

Isaya 37:28

“Okóm,” mon Dwata, “deng gotu tngónu yóm kóm kmò. Tngónu kdê yó kem gel nmoem ne kdê yóm gel gónóm e solu. Tngónu snéen yóm alì kebutem do.

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

Kem Lingón 56:8

Deng gotu tngónem yóm kdê lenóngónu. Deng tngónem se ke deng hilu duléken mosok lewoku. Kaem deng listahem bè bokem.

2 Bok Kem Tau Hol Geta 6:12

Ominen mudél yóm sotu bè yó kem genlalen, monen, “Là mi du, Sér. Kaem Ilaysa yóm tugod Dwata bè Israél, fen tmulón du bè tau hol geta yóm kdê udélem. Balù yóm udél lifutem ditu bè gónóm tungô, gotu tulónen.”

Tekang Kbuten 16:13

Bè yóm deng kulék yóm hógów Dwata tódô mudél tek sotu Hagar, monen, “Tey, deng tonu Dwata dou, kiholu là matay?” Ne yó boluyen du yóm Dwata mudél ebéléen yó, “Yóm Dwata hol mton dou.”

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Dwata 31:21

Lemwót bè yóm deng kulé le do, tey dê gfà sidek sut bélê le. Ne nim lingón ni mò angat gónóhu hewót mdà du yóm ktafaku kul. Balù yó kem semfu gu bélê le, là kô klifót le du se kul nim lingón ni. Balù ni, gu laanu là deng mit kul eta yóm tonok fasadu kul, deng sana tngónu yóm nô lem hendem le.”

Kem Lingón 44:22

Okóm lemwót bè yóm klolò me kóm, Dwata, gónó le tendo tô hmatay kum ket kdaw. Hol me mkél bè yóm ubiha gel hnatay le.