Kem Lingón 139:12 - Udél Dwata: Gna Kesfasad ne Lomi Kesfasad

¹² okóm béléem kóm, Dwata, baluen ke kifu là kô gbeku hembnos kóm. Yóm kifu, lómón ktataw layagen kemdaw yóm béléem. Tódô senged ktonem du kóm yóm layag ne yóm kifu.

Kem Lingón 139:12 Referans Kwoze

Danyél 2:22

Gotu hegfanen yóm deng gebnos bè tau ne gotu tonen yóm nô lem gónón kmifu. Béléen hol gónón nô yóm layag.

Kehewà 20:21

Okóm yó kem tau mom henlel le mdà hlayuk. Tek són Musis hloni ebè yóm lobun hitem gónó Dwata nô. Là gomongen bè nili tsaptér 20:22 efet kól bè tsaptér 23:19. Tulónen yó kem hlolò Dwata kul bè yóm kmò le du bè botu yóm gónó le gel demsù ebè Dwata ne bè yóm kmò kwit le kukum ne bè yóm kmò ktaba le ebè Dwata.

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

Kehewà 14:20

tódô nô bè gónón sóól bè yó kem tau Idyip ne bè yó kem tau Israél. Yóm lobun bè blóng le yó baling kifu mget bè yó kem tau Idyip okóm fen baling layag bè yó kem tau Israél. Yó se gónó le là gehloni ebélê le suloyen buteng yó kem sendalù Idyip kemtes kul abay se wen yóm tey lobun nô lem blóng le.