Kem Lingón 139:1 - Udél Dwata: Gna Kesfasad ne Lomi Kesfasad

¹ Ó Dwata, deng gotu henklolem ne yóm dou kmò, laen kô dù là tngónem du béléu.

Kem Lingón 139:1 Referans Kwoze

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

Jirimaya 12:3

Okóm béléu dou, Dwata, deng tngónem yóm nô lem but blututu. Tonem ou ne tngónem se yóm nô lem hendemu. Ni kem tau mò sidek ni, dyolem lu hlayuk lómón kedyol le yóm ubiha ebè yóm gónó e tmétê du. Htólóngem lu efet kól bè yóm kdaw khatayem kul.

Kem Lingón 44:21

kaem deng tngón Dwata ne, yakà gotu tngónen du yóm kdê nô lem but blutut tau.

Kem Lingón 139:23

Hol henklolem o, Dwata, hol tenngelem yóm nô lem nawahu. Hol tilówem o anì tngónem yóm nô lem hendemu.

Kem Lingón 17:3

Bè yóm kifu deng kauyem dou sóól buteng, deng hensokolem yóm nô lem hendemu dalang se yóm nô lem but blututu, ne laen kô dù sidek tonem béléu Deng hol nô bè nawahu yóm là kegsalau ke mlan bè kudélu.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

1 Bok Kem Tau Hol Geta 8:39

hol hnungolem lu dyó bè yóm gónóem nô bè longit, ne hnifótem lu, ne tnóbóngem lu. Hol nmoem bè ket tauhem yóm hyu béléen, abay se tek són uu temngón du yóm nô lem hendem tau,

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Kun Snulat Jan 21:17

Bud mon Jisas mò ke Pitér bè getluhen dulék, monen, “Ó Simun, ngà Jan, bong nawahem dou kô?” Tô muni nawa Pitér abay se deng tlu dulék Jisas smólók du. Ne mon Simun se kun, “Tódô gotu tngónem se yóm kdéen, Sér. Tngónem se yóm kbong nawahu kóm.” Bud mon Jisas se, “Sen-gyokem dou sen ubihahu.

Deng Hegfan 2:18

“Budi smulat do ebè yóm fen gel malak yó kem tau hemtahu bè Tiyatira, monem mò du, ni se udélen ebélê ye yóm Ngà Dwata, yóm lómón ke dilóf ofi lem matahen, ne yóm tihen lómón keslinangen yóm blówón.” Yó monen,

2 Samwél 7:20

Tedu se tô bud dumu udélu ebéléem du, Dwata yóm Dwata hol dandónen geta, yakà deng gotu tngónem du yóm dou kmò, yóm kóm tóbóng lówó.

2 Bok Kem Tau Hol Geta 19:27

Okóm tngónu uu. Tngónu gónóhem gu ne gónóhem e solu ne yóm kdê nmoem. Tngónu se yóm alì keklitem do.

1 Tutul Israél 17:18

Tey ketngahu du yóm nmoem béléu ni mò gónóm madat dou. Igoem temngón du yóm dou kmò.