Kem Lingón 136:3 - Udél Dwata: Gna Kesfasad ne Lomi Kesfasad

³ Hol dóyón tekuy Dwata, yóm tahu gónó mogot bè kdéen gónó mogot. Laen kô dù tul sónen yóm kbong nawahen tekuy là monolen.

Kem Lingón 136:3 Referans Kwoze

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

1 Timuti 6:15

Bè yóm kesfuléken yó, kun buteng du Dwata. Tek són du fen mogot yóm klamangen, ne tey hyu kogoten du. Du se hol geta bè kdéen tau hol geta, du se gónó le mogot yóm kdéen gónó mogot.

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Dwata 10:17

Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.