Kem Lingón 135:3 - Udél Dwata: Gna Kesfasad ne Lomi Kesfasad

³ Hol dóyón tekuy Dwata, abay se tey hyu yóm Dwata tekuy. Hligal sngal tekuy yóm tey klinggel boluyen.

Kem Lingón 135:3 Referans Kwoze

Kem Lingón 147:1

Hol dóyón tekuy Dwata. Tey hyu gemnóm du ke sngal tekuy ebè kut Dwata yóm sngal dmóyón du. Tey minggel gemnóm du, ne tey knóón ke sendóyón tekuy Dwata.

Kem Lingón 119:68

Tey hyu kmoem yóm uu, ne kdê yó kem nmoem, sal hyu. Hol tolokem do yó kem hlauhem.

Kem Lingón 106:1

Hol dóyón tekuy Dwata. Bemlay tekuy slamat ebè Dwata, yakà teyen hyu. Yóm kbong nawahen tau là kóen monol, laen kô dù nan e són.

Kem Lingón 33:1

Yó kem tau tedeng kmò ye, hol ye hligal mensag bè Dwata, yakà teyen knóón bélê ye dmóyón du. Yu kem tau gel mimón ke Dwata, hol dóyón ye se kuy.

Kem Lingón 118:1

Hol tekuy gel bemlay slamat bè Dwata abay se tey hyu yóm kmoen. Laen kô dù sónen yóm kbong nawahen tekuy.

Matyu 19:17

Bnalà Jisas se, monen, “Moen de ke snólókem béléu yóm hyu? Tek són Dwata yóm hyu. Ke hendeenem yóm klowil laen dù sónen, hol nimónem yó kem kun hlau Dwata.”

Kem Lingón 100:5

Tey hyu yóm Dwata. Laen kô dù tul sónen yóm kbong nawahen tekuy. Ne là kóen monol yóm nawahen ebélê tekuy efet kól bè laen dù sónen.

Kem Lingón 63:5

Angat tey kegsengel nawahu du yóm kehlonihu béléem, hol lómón ke hdengene mken bè yóm mò ken bong. Hligale lemingón béléem mò gónóhu dmóyón kóm.

Kem Lingón 136:1

Hol dóyón tekuy Dwata, yakà teyen hyu yóm Dwata tekuy. Laen kô dù tul sónen yóm kbong nawahen tekuy là monolen.

Kem Lingón 107:1

“Hol ye gel slamat ebè Dwata abay se tey hyu kmoen ebélê tekuy. Laen kô dù sónen yóm kbong nawahen tekuy.”