Kem Lingón 13:5 - Udél Dwata: Gna Kesfasad ne Lomi Kesfasad

⁵ Okóm snaligu yóm là konol yóm kbong nawam dou. Hligale, abay se dohò yóm kehewaem dou.

Kem Lingón 13:5 Referans Kwoze

Sulat Jud 1:21

Tódô henlel ye mimón ke Dwata anì hol ye menek bè yóm kbong nawahen kuy igò ye mangat du yóm klowil laen dù sónen guta tekuy mlan bè yóm tey kkoduhen tekuy yóm gónó tekuy mogot Jisas Krays.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Hbakuk 3:18

okóm sana yó ne kligalu ebè yóm sana Dwata hol gónó mogot, abay se du yóm hol Dwata yóm fen lemwà do.

Kem Lingón 52:8

Okóm dou, hol lómón ke ou yóm koyu ulib tmowok bè Gónô Dwata. Laen dù sónen yóm tendo ksaligu yóm kbong nawa Dwata là monolen.

Kem Lingón 9:14

anì bud dóyónu uu bè gónón wen bè bak tikeb Jirusalim, anì hligale dmóyón kóm bè yó lemwót bè yóm deng kehewaem dou.

Kem Lingón 119:81

Botong laen dù bud kgisu mangat du yóm kehewaem do, okóm ken-gel nawahu yóm udélem.

Kem Lingón 36:7

Tey mebtes béléu, Dwata, yóm kbong nawam dou là monolen. Yóm kdéen tau te tonok, sal laan hafakem gónó le e mlo.

Kem Lingón 33:18

Yóm Dwata, tendo bnenteyen yó kem tau wen klikò le du, yó kem tau gléd nawa le bè yóm là konolen yóm kbong nawahen kul.

Kem Lingón 32:10

Yó kem tau là mimón ke Dwata, tey dê gónó le glayam. Okóm yó kem tau genléd nawa le Dwata, tendo nofinen lu mlan bè yóm kbong nawahen kul.

Kun Snulat Luk 1:47

ne tey kehyu nawahu ebè Dwata, yóm deng lemwà do gu lem hatay.

Kem Lingón 147:11

Okóm tey hligal bè yó kem tau wen klikò le du, yó kem tau gentud nawa le yóm là konol yóm kbong nawahen kul.

Kem Lingón 51:12

Hulékem ebéléu yóm kligal lemwót bè yóm tehe kehewaem dou. Hol benlayem ou óyô mimón kóm.

1 Samwél 2:1

Omin Hana mni bè Dwata, monen, “Tey kehefligalen do Dwata. Ya tey któbóngen dou. Laen dù bud gónóhu myak ne bè yó kem hohonu, tey kligalu ne ni lemwót bè yóm tey któbóng Dwata do.

Kun Snulat Luk 2:20

Omin le gotu mulék yó kem semgyok ubiha. Ya tey kesngal le, dóyón le Dwata bè yóm deng gungol le ne bè yóm deng ton le. Tódô tahu edu yóm deng tulónen kul yóm hógów Dwata.

Kem Lingón 25:2

Tey ksaligu kóm, Dwata. Béem abay henyak ou, duhen ke hefligalem yó kem hohonu bè yóm là kegmou.

Kem Lingón 38:17

Móyóne matay, senflósu gemnóm du yóm ketduken.