Kem Lingón 13:2 - Udél Dwata: Gna Kesfasad ne Lomi Kesfasad

² Kegenen ne duen yóm tendo ksidek kegnómu du ne yóm klangagu ket kdaw? Kegenen ne duen yóm tendo kegmò le béléu yó kem hohonu?

Kem Lingón 13:2 Referans Kwoze

Jirimaya 8:18

Yóm tey klangagu ni là kóen mkó. Lómón ke deng gbà lem kfuhu.

Jirimaya 15:18

Mou alì heglayam du? Moen là mkó du yó kem haliu? Bè kehedemu du yóm któbóngem do, déke là dohoen. Déke lómón yóm él mlel angat kti bè kinì kdaw, duhen ke yóm kokol deng kti.”

Kem Udél Hlalak Tehe Selumun 15:13

Gfan ta se yóm kligalen yóm tau lingas nawahen, okóm yóm tau gbeng lemen dilô se kebang nawahen.

Flipay 2:27

Tahu se, tehe wen desen, udì duen gónón là matay. Okóm Dwata kmodu du, ne ou snéen knoduhen bè yóm kehlowilen du anì laen dù alì lenangagu.

Sulat Pol Ebè Yó Kem Tau Hemtahu Bè Rom 9:2

Yó tulónu kuy ni, yóm là keskóhen yóm alì ksidek kegnómu du

Kun Snulat Jan 16:6

Mo ye mom hebang nawa lemwót bè yóm ktulónu du kuy ni kem ni.

Matyu 26:38

Monen mò kul, “Tey sidek gnóm yóm gleket béléu ni, là hol tô gbeku hembala du. Nô ye bè ni ne kuy, ne eles ye mingat.”

Kem Lingón 116:3

Deng tódô lenibuten ou ne yóm hatay. Tey sidek klikou du yóm deng klonihen béléu. Là gbeku hmingón du yóm alì klikou ne ktafa nawahu.

Kem Lingón 74:18

Hendemem dé, Dwata, yóm alì kehnê le kóm yó kem hohonem. Hono kem tau nungel là madat boluyem.

Kem Lingón 74:10

Kegenen de, Dwata, yóm tódô kbayaem kul hemnê kóm yó kem hohonem? Laen kô dù sónen ne kô yóm tódô kbayaem kul là madat du yóm kóm boluy?

Kem Lingón 42:4

Tey sidek kebà nawahu du sok gbel bè nawahu yóm gnan kdaw bè yóm kmungu bè yó kem tey tau wen mógów ebè Gónô Dwata. Ou se tehe tukô gna kul yó kem tey tau wen yó. Tey kligal le, gotu le semngal ne mensag bè yóm kdóyón le ke Dwata.

Kem Lingón 31:18

anì là bud le mò udél yó kem tau mò kéng yó, kem tau alì hegmón, alì heklabak, tnifù le kéng yó kem tau tedeng kmò le.

Kem Lingón 17:9

Nofinem ou bè yó kem tau gel mò sidek gel mundug dou, yó kem hohonu slibut dou móyô hmatay dou.

Kem Lingón 10:18

Nmoem yóm kukum tedeng bè yó kem ngà hikit ne bè yó kem tau hen-gnok anì laen dù bud tau hmikò kul.

Kem Lingón 9:6

Deng guta kem hohonu ne yóm keglà laen dù tul sónen. Yó kem syudad le, deng gotu genbaem ne laen dù bud hemtulón kul nawa.

Kem Lingón 8:2

Gbót dóyón le uu yó kem ngà lemnek kkólen bè yó kem ngà tolo hebon. Mlan bè yóm kul kdóyón kóm gónóm hemseng yó kem tau gel hmohon kóm. Laen kô dù gmò le béléem.

Kem Lingón 7:2

Ke là lenwaem dou nsék le ou, lómón ke liyun le, dyol le ou mayuk anì laen dù lemwà dou.

Istér 7:6

Mon Istér se, “Yóm alì hmohon kum ne tô gemlà kum ni sem Haman nii, yóm tau alì sidek balu.” Tódô lemusék Haman lemwót bè yóm alì ksidek klikoen bè yóm igoen myón bè solu yóm tau hol geta ne yóm libun boi.

Nihimaya 2:2

yó gónón smólók dou, “Moen de ke lembang nawahem igoen laen dù desem? Lómón tô wen kenblat nawahem.” Yó mò do denge mom likò,bnalau se, monu, “Hol tahà he ktauhem. Moen se ke là lenbang nawahu du yóm syudad tehe gónó le lembeng yó kem tehe fuu, hanà tolo gebà ne yóm bak tikeben deng gotu mlób?”

1 Samwél 24:19

Tmau du se gembek hewà du yóm hohonen ke deng nô lem hólólen? Dwata he malà kóm bè yóm tey hyu deng nmoem béléu kemdaw ni.

1 Samwél 18:29

mom bud temnù klikoen ke Dabid ne baling hohonen efet kól bè sónen.

Kun Snulat Luk 22:53

Igò sem ket kdawu du nô lem blóng ye lem yóm Gónô Dwata. Mò ye là tnana kemfô do ditu du? Okóm deng hto ne yóm kuy uras mò du nim nmò ye ni. Ni se kun kdaw Seitan, yóm fen mogot yóm gónón kmifu.”

Jirimaya 45:3

Yó deng udélem, ‘Denge tmakas ne. Tendo tennù Dwata yóm blat nô tahu. Laen kô dù bud gelu ne tódô sónmou dmolong, là kóe gehegnô.’

Kem Lingón 38:17

Móyóne matay, senflósu gemnóm du yóm ketduken.

Kem Lingón 6:4

Beklili ebéléu, Dwata, hewaem ou. Lenwaem ou lem hatay lemwót bè yóm là konol nawahem ebéléu.