Kem Lingón 13:1 - Udél Dwata: Gna Kesfasad ne Lomi Kesfasad

¹ Ó Dwata, kegenen de duen yóm keklifótem dou? Klifótem ou ne kô efet kól bè sónen? Kegenen ne duen yóm kehebnosem dou?

Kem Lingón 13:1 Referans Kwoze

Kem Lingón 89:46

Ó Dwata, tódô hlós ne kô yóm kehebnosem kum? Kegenen de yóm alì ksidek kkinì kuluhem bélê me?

Kem Lingón 80:4

Ó Dwata yóm Dwata laen dù là gbeken du, yóm hol gónó me mogot, kegenen de duen yóm là bud kebutem kum anì hnungolem yóm kni me ebéléem?

Kem Lingón 6:3

Tey sidek kebà nawahu. Kegenen ne duen, Dwata, ominem tmóbóng dou?

Kem Lingón 44:24

Béem abay henbnos mi. Béem abay tódô klifót yóm tey keglayam me ne yóm kehegnok le kum.

Kem Lingón 35:17

Mò kegenen de, Dwata, yóm tódô ketngelem dou? Hol lenwaem ou lem yóm tey ksidek kundug le dou. Hol lenwaem klowilu lem yó kem tey liyun yó.

Kem Lingón 10:12

Hekmóni, Dwata. Tnafakem lu, Dwata, yó kem tau gel mò sidek. Béem abay klifót yó kem tau laen dù gmò le.

Kem Lingón 85:5

Laen dù sónen ne kô yóm alì kebutem kum? Là buden teflok ne kô yóm kebutem kum efet kól bè yó kem lugod me?

Kem Lingón 74:1

Ó Dwata, moen de ke laen dù tul sónen yóm kekbéem kum? Moen de ke alì lenbutem yó kem kóm ubiha hótób?

Isaya 59:2

Yó gónón là hmungol kuy lemwót bè yó kem salà ye. Kaem salà ye se hemseng kuy ebè Dwata bè yóm kehloni ye ebéléen.

Kem Lingón 90:14

Hol hegnómem kum ket hlafus yóm là konolen yóm kbong nawahem kum, anì yó, sónmò me semngal ne hligal bè yóm klawi me mowil.

Dwata 31:17

Bè yóm kmò le du yóm yó angat lenbutu lu. Tódô bayau lu ne tódô le meglà, ne tey dê glumfak sidek sut bélê le. Omin le yó he hetngón, yó gónó le gmumfak du nim ni abay se là bude nô bélê le, yóm sana kul Dwata.