Kem Lingón 127:2 - Udél Dwata: Gna Kesfasad ne Lomi Kesfasad

² Yóm tau mebel klowil, baluen ke temkifu mò nmò, ne song tungô ke deng tey nelem kifu, olon gamà litegen ke là lemwóten bè Dwata. Abay se yóm Dwata, balù igò le tolo tungô yó kem tau kenbong nawahen, deng eles hentifesen ne yóm mò klowil le elem haya.

Kem Lingón 127:2 Referans Kwoze

Kem Lingón 4:8

Tey menek kegnómu du ke gele lemwót tungô, yakà tek són uu, Dwata, gónón laen dù hemenu bè yóm ktungóu.

Kem Lingón 3:5

Lemwót bè yóm kofin Dwata dou gónón tilob ktungóu. Ne bè yóm kebtiku, laen kô dù hemenu.

Jirimaya 31:26

Ominu yó btik ne temngele gu hmilol. Deng tey tilob yóm ktungóu.

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.

Kem Lingón 60:5

Hol lenwaem mi mlan bè yóm sigel kwananem, ne lenwaem yó kem kóm tau kenbong nawa.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.