Kem Lingón 127:1 - Udél Dwata: Gna Kesfasad ne Lomi Kesfasad

¹ Ke là lemwóten bè Dwata yóm hdà gónô, olon gamà liteg le yó kem tau hdà du. Ke là bnentey Dwata du yóm benwu, olon gamà liteg le yó kem tau mentey du.

Kem Lingón 127:1 Referans Kwoze

Kem Udél Hlalak Tehe Selumun 16:9

Yóm tau, du fen matul hemdem mò du yóm kun kmò klan, okóm Dwata fen malak du bè yóm kmoen du.

1 Kurin 3:7

Kihu tau mò hulu, ne kihu se tau temwél du él. Okóm yóm alì bong muhen yóm fen htowok du, duhen Dwata.

Kem Lingón 124:1

Ó kem tau Israél, mò kmoen de ke tehe là deng nfi Dwata tekuy? Hol bnalà ye o kun.

1 Tutul Israél 28:10

Yó gónóm mon, hol hendemem nim ni, yakà deng nélék Dwata uu mò hemdà yóm kun Gónô mò gónóhen nô. Holi hbegel, ne nmoem yóm hmò Dwata kóm.”

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

1 Kurin 15:14

Ne ke là deng hlowilen ke Krays, laen kô lemen yóm deng tolok me kuy, ne laen dù nefeten yóm kehtahu ye du.

Kem Lingón 121:1

Temngele ebè yó kem bulul, yó hendemu, gónón gu lemwót de yóm tmóbóng do?

Kem Lingón 123:1

Ó Dwata, lengalae edyó béléem bè longit bè yóm gónóhem myón kmamal.

Kem Lingón 120:1

Bè yóm tehe kwen gfau, tmabahe ebè Dwata, ne bnalaen o.

Kem Lingón 125:1

Yó kem tau smalig bè Dwata, lómón kbegel le, lómón kbegel yóm bulul Sayun. Là kóen megsinsig, ne là kóen sliwo.

Kem Lingón 78:69

Bè yó gónón hefdà yóm Gónóen alì geta, lómón kbegelen yóm tonok laen dù tul ksideken.

Kehedem Tau Tmolok 9:11

Bud wen sotu tonu talak tonok. Yóm tau alì hlóng mlóy, là kô du du yóm gel gemmò bè skuya. Ne yóm sendalù alì kemgis, là kô du du yóm gel gemmò bè gida. Yóm tau alì hulung hedem, là kô du du yóm gel wen klowilen. Ne yóm tau wen kenhulungen, là kô du du yóm gel wen kendengenen. Ne yó kem tau alì wen hennagì le là kô són lu du yóm wen gónón e kól klowil le. Abay se tódô sut bè ket tau yóm kun bagì.

Kem Lingón 126:1

Bè yóm tehe khulék Dwata tekuy ebè Jirusalim, hol lómón ke olo kna.

Kem Lingón 122:1

Tey kehyu nawahu gemnóm du yóm kmon le du mò do, “Lemwót tekuy ne, mógów kuy ebè Gónô Dwata.”

Isaya 27:3

“Tendo knudungu ni kem huluhu ni ne tendo gel tenwélu. Tódô senflósu kifu ne kemdaw mentey du anì laen dù tau hemsidek du.

1 Tutul Israél 29:19

Blayem ke Selumun yóm ngau yóm óyô mimón du kdê yó kem hlauhem dalang se yó kem dumu hloloem kum. Hol blayem du yóm óyô hemdà yóm kóm Gónô, yakà deng gotu sentifunu du yóm kdéen.”

Glasya 4:11

Tey mónó nawahu kuy, kô mulék kafa yóm deng tehe toloku kuy.

Kem Lingón 72:1

Ó Dwata, hol tolokem yóm tau hol geta anì hol tedeng kogoten kukum. Hol tolokem du yóm kóm kmò kogot kukum

Dwata 8:18

Hol hentulón ye nawa, kaem lemwót bè yóm sana kuy Dwata hol gónó mogot yóm kwen kendengen ye. Yó gónón mò du bélê ye yóm yó, abay se là gbeken kmifót du yóm deng senfasad le yó kem tehe fù ye.

Juswa 2:2

Tikóng gungol yóm tau hol geta bè Jiriku yóm kwen kem tau Israél gefet bè yó yóm kifu yó na a hemkana yóm benwu le,

1 Bok Kem Tau Hol Geta 5:12

Tey khulung hedem yóm blay Dwata ke Selumun, lómón yóm deng fasad Dwata du. Ne lemwót Selumun lewu le Hiram, sbilà le anì menek kbenwu le.