Kem Lingón 12:7 - Udél Dwata: Gna Kesfasad ne Lomi Kesfasad

⁷ Yó gónóm mon, Dwata, senflósem gel mofin kum bè yó kem tau mò sidek yó.

Kem Lingón 12:7 Referans Kwoze

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

1 Pitér 1:5

Hono kuy se funen yóm hyu yó. Ne lemwót bè yóm kehtahu ye, tódô senflós Dwata mofin kuy mlan bè yóm tey kegbeken. Yó gónón mofin kuy, abay se deng eles wen ne yóm klowil laen du sónen angat blayen tekuy, yóm hegfanen bélê tekuy bè yóm hol són kdaw.

Kem Lingón 145:20

Nofinen yó kem tau kembong nawa du, okóm fen genlaen yó kem tau gel mò sidek.

Kem Lingón 121:8

Tendo nofin Dwata uu bè yóm gel kógówem lenwóten ni laen kô dù tul sónen.

Kem Lingón 37:40

Sal gel tnóbóngen lu, ne hewaen lu lem tdok yó kem tau gel mò sidek. Yó gónón mò du bélê le yóm yó, abay se gel le heklung béléen.

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Isaya 27:3

“Tendo knudungu ni kem huluhu ni ne tendo gel tenwélu. Tódô senflósu kifu ne kemdaw mentey du anì laen dù tau hemsidek du.

Kem Lingón 37:28

Yakà tey hyu nawa Dwata du yóm tedeng. Là kô bayaen kul yó kem tau teneb béléen ne laen dù sónen yóm tendo kofinen kul. Okóm yóm kul lugod yó kem tau gel mò sidek, angat hdó le lu ta yóm tonok yó.

Kem Lingón 16:1

Ó Dwata, hol nofinem ou. Són uu snaligu mò gónóhu heklung.

Kem Lingón 10:18

Nmoem yóm kukum tedeng bè yó kem ngà hikit ne bè yó kem tau hen-gnok anì laen dù bud tau hmikò kul.

Dwata 33:3

Yóm Dwata, tey kbong nawahen kul yó kem kun tau, gotu le nô lem hólólen yóm kdê le. Tódô lolò le yóm kun klan ne henmóyô le yó kem hloloen kul.

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

Kem Lingón 18:31

Laen kô dù dumu Dwata, són yóm Dwata hol gónó mogot. Laen dù dumu botu gónó heklung, són yóm kut Dwata.

Kem Lingón 19:9

Tey hyu ke wen klikò tekuy ke Dwata. Laen kô dù sónen yóm kehyuhen. Tey tedeng yóm kukum Dwata. Laen kô mtukul nfihen.

Kem Lingón 119:140

Sal gel dohò yó kem fasadem. Yó gónóhu kembong nawa kul.