Kem Lingón 12:3 - Udél Dwata: Gna Kesfasad ne Lomi Kesfasad

³ Hol lensónem, Dwata, yó kem tau hlingón dmóyón kem dumu le yó ne yó kem tau alì heklabak.

Kem Lingón 12:3 Referans Kwoze

Kem Udél Hlalak Tehe Selumun 18:21

Wen se udél tau gónó mowil ne wen se udél gónó matay ne bud gutahen se bungu yóm udélen.

Deng Hegfan 13:5

Nim ógóf lóbô ni koni, tódô kem hlun bayà Dwata du yóm alì kehegmónen ne yóm alì kehnéen ke Dwata. Ne na tódô bayà Dwata du snéen yóm kwalisen mogot benwu tlu halay bud sóól.Tey sidek kbaken ebè Dwata, homongen du boluyen ne yóm benwuhen. Dalang se yóm kdê nô bè longit, tey kehnéen kul.

Danyél 7:8

Yóm igou temngel yó kem hangahen, tódô tonu yóm sotu ngà hanga udì hesut gu lem blóng yó kem hanga yó. Gotu hekduten yóm tlu kem gna hanga mung du but le anì wen gónón mteg se kun. Yóm ngà hanga udì ni, wen matahen lómón mata tau ne wen sumóngen alì mudél heklabak.

Kem Lingón 17:10

Laen kô dù keskodu bélê le. Hnungolem dé yóm tey udél le heklabak.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

Malakay 3:13

Bud mon Dwata, “Tey dê udél ye sidek etahu.” Okóm mom bud mon ye he, “Tedu de alì udél me sidek ebéléem du?”

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

1 Samwél 2:3

Tenflok ye ne yóm keheklabak ye ne kehegmón ye. Abay se yóm Dwata, deng gotu tngónen kdéen ne gotu knukumen kdéen nmò tau.

Kehewà 15:9

Yó mon yóm hohon me, ‘Na ktes lu, na kenfô lu. Na nólól yóm kendengen le ne gotu nwahu yóm kdê nóyóu. Nsoku tóku ne nwahu yóm kdê nô bélê le.’

Isaya 10:10

Gotu tnafaku yó kem benwu wen tau tmaba ebè yó kem dwata lenbù nmò nô du. Tey wen yóm kul dwata lenbù nmò senta yóm dwata kul lenbù nmò yó kem tau bè Jirusalim ne Samarya.

Job 32:22

Là hulunge smalù se dou. Ke yó tô nmou, kaem tódô kendel tnafak Dwata o.

Kem Lingón 55:22

Hbóem ke Dwata dé yóm blat nô tahem anì du tmóbóng kóm. Là kô bayaen kul btang yó kem tau tedeng kmò le.

Kem Lingón 116:11

ne balù yóm tey sidek klikou, botong gmonu laen kô dù tau snaligu.

Kem Lingón 140:12

Okóm tngónu angat dohò tnóbóng Dwata yó kem tau alì hensidek le, angat nfihen yó kem tau élél.

Kem Udél Hlalak Tehe Selumun 26:24

Yóm tau olon hningón hemyu ta kestulónen igoen mutó nawahen gu lem, bnosen ksukaten.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Jirimaya 9:8

Yóm sumóng le hol lómón ke lewet mò hmatay tau. Tey tilob gel kestulón le bè yó kem dumu le sebét, anì monem mò lan le hmatay kul.

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.