Kem Lingón 12:2 - Udél Dwata: Gna Kesfasad ne Lomi Kesfasad

² Yó kem tau sebét, deng sket kul tmulón kéng bè yóm ket kul ba sotu. Dóyón le kem dumu le mò lan le smukat kul.

Kem Lingón 12:2 Referans Kwoze

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Jirimaya 9:8

Yóm sumóng le hol lómón ke lewet mò hmatay tau. Tey tilob gel kestulón le bè yó kem dumu le sebét, anì monem mò lan le hmatay kul.

Kem Lingón 41:6

Ke nauy le ou, lómón ke wè le ou, anì monen mò lan le mebel ke wen sidek tulónu. Bè kulék le, bud gel tulón le bè kdéen tau.

Kem Lingón 144:8

Hono kéng btang bè sumóng le. Igò le se smafà anì tulón le yóm ktahuhen, okóm kéng le.

Kem Lingón 10:7

Yóm gel btang bè sumóng le, hono udél hemmulà, udél mò kéng, ne udél mifis. Mahil bélê le mudél sidek ne mudél hemsidek kem dumu le.

Kem Lingón 5:9

Yó kem hohonu, laen kô dù tahu tulón le. Són hendem le kmò keglà le kem dumu tau. Tey sidek yó kem udél le, hol lómón ke boo tau matay deng bolok. Yóm kudél le tey mnóm, bede hono sukat mit hatay.

Kem Lingón 28:3

Béem homong dyol ou bè yó kem tau gel mò sidek. Tey tilob kudél le bè kem dumu le sebét, okóm yóm lem hendem le, matul le mò sidek bélê le.

1 Tisalunika 2:5

Deng hónô tngón ye yóm kmò kwit me du yóm tehe gel tulón me kuy, là kô na me e nmò du bélê ye yóm udél hegbóy, duhen ke wen udél mò lemimun yóm gel sen-glom me. Dwata gemtanud du ktahuhen nim monu ni.

Kem Udél Hlalak Tehe Selumun 29:5

Yóm tau là tahu ksaluen kdumuhen hensideken kun knô.

Kem Udél Hlalak Tehe Selumun 20:19

Yóm tau lemnek ksumóngen gel tulónen yóm lifut tulón du, yó gónóm mon béi segbót bè yóm tau tódô faen kudélen.

Kem Lingón 144:11

Hol kenlungem o bè bak suk. Lenwaem o lem hólól yó kem hohonu. Hono kéng btang bè sumung le. Igò le se smafà ani tulón le yóm ktahuhen, okóm kéng le.

Kem Lingón 62:4

Yó atul le tô tenklé le ou bè yóm deng kegeta glalu. Sónmò le mò tulón lenbù etahu. Swè le béléu ke ssolu me, okóm lem but blutut le, henmulà le ou.

Kem Lingón 55:21

Tey lendey udélen, okóm lem but blututen hono utó nawa. Tey hyu udélen anì monem ktelem sudeng.

Kem Lingón 59:12

Lemwót bè yó kem udél le alì sidek gel btang gu lem bak le, yó se gónó le gekfô mlan bè yóm alì kehegmón le, ne bè kehedwata le bak, ne bè alì kmò le kéng.

Kem Lingón 38:12

Yó kem tau tô malu hmatay dou, deng wen holot nmò le mò alu le dou, kem tau deng eles natul le yóm keglau. Tódô snilef le kdaw matul du yóm angat ksukat le dou.

Kem Lingón 116:11

ne balù yóm tey sidek klikou, botong gmonu laen kô dù tau snaligu.

Kem Udél Hlalak Tehe Selumun 20:6

Tey dê tau smalù du yóm kul kogot nawa, okóm olon mtukul gónó mton du yóm tau gsalig.

Jirimaya 7:28

Hol tulónem kul, monem, ‘Ni se sotu but tau là kô na le e nimón du yóm sana kul Dwata hol gónó mogot. Là kô le móyô ke wen tô semtódô kul. Deng lana lem blóng le yóm ktahuhen, là kô bud gungolem du btang bè sumóng le.