Kem Lingón 12:1 - Udél Dwata: Gna Kesfasad ne Lomi Kesfasad

¹ Tnóbóngem ou, Dwata, abay se laen dù bud tau tonem mimón kóm, ne deng le lana yó kem tau gsalig.

Kem Lingón 12:1 Referans Kwoze

Matyu 24:12

Lemwót bè yóm alì kmò le sidek yó kem tau bè klamangen benwu, angat monol yóm kesbong le nawa.

Isaya 63:5

Tey ketngahu du yóm ktonu du laen dù tau tmóbóng dou. Okóm mom yó bemlay do kgis yóm lebutu, botonge gemmò bè yó kem hohonu igoen són ou.

Kem Lingón 6:1

Ó Dwata, béem nudél ou ke mlan bè kebutem, ne béem abay tnafak ou ke hlanem bè alì kebutem.

Kem Udél Hlalak Tehe Selumun 20:6

Tey dê tau smalù du yóm kul kogot nawa, okóm olon mtukul gónó mton du yóm tau gsalig.

Tekang Kbuten 6:12

Laen dù tau ton Dwata talak tonok ke nô bè nawahen yóm hyu. Tódô kdê le gotu mò sidek.

Matyu 8:25

Tódô le mógów ebéléen yó kem gel lemolò du na le e bentik, mon le mò du, “Ó Sér, tnóbóngem mi. Hatay tekuy ni.”

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Kem Lingón 54:1

Ó Dwata, hol lenwaem ou mlan bè boluyem. Hol hegfanem yóm klaen dù salau hlanem bè kegbekem.

Kem Lingón 6:4

Beklili ebéléu, Dwata, hewaem ou. Lenwaem ou lem hatay lemwót bè yóm là konol nawahem ebéléu.

Kem Lingón 3:7

Géhéli Dwata yóm Dwata hol gónóhu mogot, hol lenwaem ou. Hol tnafakem lu yó kem hohonu. Kóhem bélê le yóm kgis le hemsidek dou.

Matyu 14:30

Okóm timbow gnómen yóm tey kgel yóm lenos, tey sidek klikoen, ne tódô sen-gengen se tô lemneb elem él. Ne botong gdawaten Jisas, monen, “Tnóbóngem o, Sér.”

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.