Kem Lingón 118:6 - Udél Dwata: Gna Kesfasad ne Lomi Kesfasad

⁶ Tendo nô béléu Dwata, laen kô dù bang knikou. Laen kô dù gmò le béléu yó kem tau.

Kem Lingón 118:6 Referans Kwoze

Hibru 13:6

Duhen yó, là kóen layab ke mon tekuy, “Dwata se yóm gel tmóbóng do, laen kô bang gónóhu likò. Laen kô dù gmò le béléu yó kem dumu tau.”

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Kem Lingón 56:4

Tey kdóyónu du yóm udélem, Dwata. Són Dwata snaligu, yó gónów là likò. Laen dù gmò le béléu yó kem tau tonok.

Kem Lingón 56:11

Són Dwata snaligu, yó gónów là likò. Laen dù gmò le béléu yó kem tau tonok.

Kem Lingón 56:9

Bè yóm kdawu htóbóng béléem, Dwata, gotu le beklil mulék yó kem hohonu. Bè yó se gónóhu temngón du deng nfi Dwata ou.

Jirimaya 20:11

Okóm yóm Dwata, tendo nô klohoku lómón ke sendalù lóbô. Là kô le gemmò béléen yó kem hohonu. Là kô le gemmò béléu. Angat tey sidek kyak le, abay se là gfuhen yó kem tô atul le etahu. Ne là kô klifót kem dumu tau du yóm tey kyak le yó.

Kem Lingón 23:4

Baluen he ke mlane lem yóm hol gónón alì mget kifu, là kóe likò, Dwata, abay se elesi nô béléu. Yó se gónón menek kegnómu du lemwót bè yóm tendo kesgalakem dou ne yóm kofinem dou.

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

Kem Lingón 146:5

Hligal kun yóm tau ke tnóbóng Dwata yóm Dwata tehe Jakub. Hligal yóm tau ke genléd nawahen Dwata yóm Dwata gónóhen mogot.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

1 Samwél 17:11

Tikóng gungol Sol ne yó kem tau Israél yóm udél yóm tau Flistin yó, ya tey sidek klikò le.

1 Samwél 17:37

Deng lenwà Dwata o lem knugu yó kem liyun ne dalang se bè yó kem bér ne bud lenwaen o snéen lem hólól yóm Flistin yóó.” Omin Sol mon du mò ke Dabid, “Yó ne, lemwóti. Dwata he mung kóm.”

Kem Lingón 56:5

Sónmò snigol yó kem hohonu ke wen monu. Sónmò natul le yóm lan le hemsidek dou.

Kem Lingón 56:10

Ó Dwata, tey kdóyónu du yóm udélem. Tahu se, Dwata, dóyónu yóm udélem.

Kem Lingón 56:12

Dnohou yóm deng fasadu kóm, Dwata. Dsuu ebéléem yóm dsù gónóhu dmóyón kóm lanu slamat bè yóm któbóngem dou.

Kem Lingón 94:16

Tau du de mofin dou bè yó kem tau gel mò sidek? Tmau du de mfi dou bélê le?

Kem Lingón 112:8

Là kô dê tnafa nawa le yó kem tau yó, laen dù knikò le. Tódô tngón le laen kô gmò le bélê le yó kem hmohon kul.