Kem Lingón 118:5 - Udél Dwata: Gna Kesfasad ne Lomi Kesfasad

⁵ Bè yóm alì sidek kegnómu du, tmabahe ebè Dwata. Tahu se, bnalaen o, ne lenwaen ou.

Kem Lingón 118:5 Referans Kwoze

Kem Lingón 18:19

Nwiten ou ebè yóm gónón laen dù hemenu. Lenwaen ou, abay se maan nawahen béléu.

Kem Lingón 18:6

Okóm bè yóm alì ksidek kegnómu du, tmabahe ebè Dwata, htóbónge béléen. Tahu se, hnungolen ou bè yóm kun gónó nô. Gungolen yóm tey kehkoduhu béléen.

Kem Lingón 120:1

Bè yóm tehe kwen gfau, tmabahe ebè Dwata, ne bnalaen o.

Kem Lingón 107:19

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Kem Lingón 31:8

Là kô blayem dou elem hólól yó kem hohonu, deng suem ou bè yóm gónón laen dù hemenu.

Kem Lingón 107:13

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Kem Lingón 77:2

Bè yóm tehe kdawen wen hlayamu, hnebelu Dwata. Suloyu buteng mni ebéléen igou hdà hólólu ebè longit. Laen kô dù kligalu ke là wen tóbóng lemwót gu béléem.

Tekang Kbuten 32:7

Ya tey klikò Jakub, tey ktafa nawahen. Yó gónón mólól du bè lewu bung yó kem tau mung du ne dalang se yó kem ubihahen ne kem kambingen ne kem safien ne kem kamélen.

Kem Lingón 18:20

Deng tey któbóng Dwata dou lemwót bè ktedeng nmou. Lemwót bè yóm klaen dù deng sidek nmou gónón hyu kbalaen dou.