Kem Lingón 118:12 - Udél Dwata: Gna Kesfasad ne Lomi Kesfasad

¹² Yó kem hohonu yó, lómón tô le yê nuhag, deng le gotu lememek hilolu. Okóm lómón tô le loob mékéng ke mton ofi, là kóen legen. Gotu genlau lu mlan bè kfasang Dwata.

Kem Lingón 118:12 Referans Kwoze

1 Samwél 17:45

Yó balà Dabid du se kun, bede bud htê, monen, “Bè yóm kwitem do sfatay, wen sudengem ne wen kem buyusem. Okóm dou, nwitu u sfatay mlan bè boluy yóm Dwata laen dù là gbeken du, yóm Dwata yó kem sendalù yó kem tau Israél, yóm deng hnangkag nbótem sfatay.

Kem Lingón 20:5

Ke yó nmò Dwata béléem, ngem kà gotu me hligal mensag. Hnigal me yóm kegmoem, hlan me bè kdóyón me ke Dwata. Dwata he malà du yóm kdê gel hnihem béléen.

Kem Lingón 20:1

Dwata he malà kóm bè yó kem hnihem béléen ke wen gfà sut béléem. Yó hem Dwata tehe gónó Jakub hemtahu tendo gel mofin kóm.

Kem Lingón 58:9

Angat gotu kó Dwata lu, homongen yó kem lomi tau dalang se yó kem tuha. Là kóen legen kmoen du, lómón yóm kuleng nô ta ofi, là legenen deng sana kinì.

Kem Lingón 8:9

Ó Dwata, uu se yóm mogot kum. Tey gfan bè klamangen benwu yóm kegetahem.

2 Samwél 23:6

Okóm kul yó kem tau là hemtahu le bè Dwata, hol lómón kmò le yóm koyu semnual, tódô bot le, yakà hnalien du yóm tau tô mulut du.

Nahum 1:10

Yó kmò ktonen kul yó kem hmohon du yó, lómón ke yó kem bnes skebeng alì semnual ne lómón yóm tau lengel glénggé mógów. Yó angat kmoen kul, gotu ntemen lu. Lómó ktemen kul, lómón yó kem lami deng mékéng bè tniba.

Isaya 27:4

Là bud lenbutu du yó kem huluhu. Ke wen tonu ngà koyu semnual duhen ke wen kluon semnual tô hemsidek du, tódô gotu ntemu lu he.

Isaya 33:12

Angat ye gotu musok hol lómón knò ye yó kem botu metlohò ne hol lómón yó kem ngà koyu semnual gel dnutung bè ofi.