Kem Lingón 112:8 - Udél Dwata: Gna Kesfasad ne Lomi Kesfasad

⁸ Là kô dê tnafa nawa le yó kem tau yó, laen dù knikò le. Tódô tngón le laen kô gmò le bélê le yó kem hmohon kul.

Kem Lingón 112:8 Referans Kwoze

Kem Lingón 118:7

Dwata yóm tendo tmóbóng dou. Deng eles tngónu, angate gemmò bè yó kem hohonu.

Kem Lingón 91:8

Tódô olohem mton du ktafak Dwata kul yó kem tau gel mò sidek.

Kem Lingón 59:10

Lemwót bè yóm là konol yóm kbong nawan dou yóm dou Dwata, dohò yóm ksuten mò tmóbóng dou. Htonen dou yóm là kegmò le yó kem hohonu.

Kem Lingón 31:24

Yu kem tau nefet nawa le Dwata, hol ye hbegel, hfól ye nawa ye.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

Kem Udél Hlalak Tehe Selumun 3:33

Tnuled Dwata yó kem gmónô gel mò sidek, okóm fen nuyagen yó kem gmónô tedeng kmò le.

Kem Lingón 92:11

Deng ton matahu yóm là kegmò yó kem hohonu, ne deng dou klingu mungol du langat yó kem hohonu gel mò sidek.

Kem Lingón 27:14

Hol snalig ye Dwata se kuy, ne hol hentahu ye. Hol bê ye abay kendel htakas. Hol snalig ye Dwata.

Kem Lingón 37:34

Dwata dé nefet nawahem, ne nimónem yóm kdê hlauhen. Ke yó se nmoem, angat tey kadaten kóm Dwata mlan bè keblayen du kóm yóm tonok mò gónóm nô. Angat tonem yóm kehdóhen kul bè yóm tonok yó, yó kem tau gel mò sidek.

Kem Lingón 49:6

Yó kem tau monu yó, yó kem tau sidek nmò le, són snalig le kendengen le, ne tey keheklabak le du yóm kegeta le.

Kem Lingón 118:6

Tendo nô béléu Dwata, laen kô dù bang knikou. Laen kô dù gmò le béléu yó kem tau.