Kem Lingón 112:4 - Udél Dwata: Gna Kesfasad ne Lomi Kesfasad

⁴ Anien ke nô lem gónón kmifu yóm tau hyu kmoen, sal gel hlayag Dwata lanen. Hulung le bemlay ne hulung le kmodu, ne tedeng kmò le.

Kem Lingón 112:4 Referans Kwoze

Isaya 58:10

Hyu ke benlay ye ken yó kem bitil ne hegsengel ye nawa yó kem tau wen gónó le élél. Ke yó se nmò ye, angat baling layag yóm tey kkifuhen hmilol kuy, lómón layag kdaw gtungó.

Kem Lingón 97:11

Yó nmò Dwata bè yó kem tau mimón du, sal gel wen layag bélê le, ne gel hefligalen yó kem tau tedeng nmò le.

1 Jan 3:7

Bê ye hegsukat bè kem dumu tau, kem ngà. Ke tedeng nmò yóm tau, yó se yóm tau deng tedeng kmoen, hol mkél bè yóm kun ktedeng kmò Krays.

Kun Snulat Luk 6:36

Hol knodu ye kem dumu ye tau lómón yóm kun kkodu kem tau yóm Mà tekuy bè longit.”

1 Jan 2:29

Lemwót bè yóm ketngón ye du tey tedeng yóm Krays, bud tngón ye snéen ke tedeng kmoen yóm tau, du se yóm tau deng tahu ngà Dwata.

Ifisus 4:32

Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

Kem Lingón 106:1

Hol dóyón tekuy Dwata. Bemlay tekuy slamat ebè Dwata, yakà teyen hyu. Yóm kbong nawahen tau là kóen monol, laen kô dù nan e són.

Ifisus 5:9

Wen tey bunguhen yóm deng knô tekuy lem layag yó, duhen yóm hyu kmò tekuy bè kem dumu tekuy, ne yóm ktedeng tekuy, ne yóm kimón tekuy du yóm ktahuhen.

Kun Snulat Jan 12:46

Yóm kógówu elem benwu,” mon Jisas, “hol lómón ke layag sut bélê ye. Yó se tau hemtahu béléu, là kóen hlós knóen lem kifu.

Kem Lingón 37:6

Ke tedeng yóm gel nmoem, hegfan Dwata bè kdéen tau. Hol lómón kehegfanen du, lómón ke nóng kdaw deng gtungó.

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.

Ifisus 5:15

Duhen yó, hol gel tenngel ye kmò ye. Hol dnalang ye kmò yóm tau hulung hedem. Bê ye lolò kul kmò yó kem tau là hulungen hedem.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Kem Lingón 116:5

Tey kmodu yóm gónó tekuy mogot, ne tey kehyuhen. Tey kkoduhen tau yóm Dwata tekuy

Kem Lingón 145:17

Tey tedeng yóm Dwata bè kdê gel nmoen. Tódô gotu gfan bè yóm nmoen yó yóm kkoduhen tau.

Kem Udél Hlalak Tehe Selumun 21:21

Yóm tau sen-galuhen yóm ktedengen ne kogot nawa tau béléen tonen se ktahà ktauhen ne kadat tau du.

Isaya 58:8

Ke ni se nmò ye, hegfanu bélê ye yóm tey kehyu nawahu, lómón kegfan yóm mata kdaw hlafus. Tódô kendel mkó yó kem des ye. Elese tendo gel nô bélê ye mò lemwà kuy. Yóm tendo gel knóu bélê ye yó, yó se labungu kemlung kuy.