Kem Lingón 112:2 - Udél Dwata: Gna Kesfasad ne Lomi Kesfasad

² Yó kem ngaen, angat le tey mbegel lem benwu. Ne yó kem semfu gu béléen, angat tey któbóng Dwata kul.

Kem Lingón 112:2 Referans Kwoze

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Kem Udél Hlalak Tehe Selumun 20:7

Hyu nawa le kul yó kem kun ból yóm tau tedeng ne laen dù belenen yóm kun kmò.

Kem Lingón 37:26

Yóm tau hyu kmoen yó, tey mahil béléen bemlay, ne là mgel mutóng béléen. Ne yó kem ngaen, tey le hulung tmóbóng se kul.

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Kem Lingón 25:13

Angat mdengen klowil le, ne angat gfun kem ngà le yóm tonok le.

Kem Lingón 102:28

Yó kem ngà yó kem tauhem, laen dù hemen le. Yó kem lugod le, angat tey kbegel le bè soluhem.”

Jirimaya 32:39

Ne laen kô dù tul sónen yóm keblayu kul yóm kessotu nawa le anì sónmoen wen klikò le dou mò kul kehyu dalang se yó kem angat lugod le.

Tekang Kbuten 25:11

Kogol yóm katay Abraham, tey któbóng Dwata ke Isak ne bè yó gónó Isak nô moni bè yóm kokol boluy le du, “Kokol yóm Dwata mowil yóm mton dou.”

Kem Udél Hlalak Tehe Selumun 11:21

Ngem! Yó kem tau gel mò sidek là kô lugun Dwata kul là tnafak, okóm yó kem tau tedeng kmò le gewà.

Kem Udél Hlalak Tehe Selumun 13:22

Yóm tau hyu kmoen gel tnebelen umun yó kem téméen, okóm yóm kul kendengen yó kem tau gemsalà, nô bè yó kem tau tedeng kmò le.