Kem Lingón 11:7 - Udél Dwata: Gna Kesfasad ne Lomi Kesfasad

⁷ Yakà tey tedeng kmoen yóm Dwata, ne hol nóyóen yó kem nmò tedeng. Yó kem tau mò du yóm tedeng, angat ton le lem uyó Dwata.

Kem Lingón 11:7 Referans Kwoze

Deng Hegfan 22:4

Deng le hol tahu suyó ke Dwata ne, ne yóm kun boluy Dwata, sket snulat lem uyó le.

Kem Lingón 17:15

Lemwót bè kmou du yóm tedeng, yó gónów angat mton kóm. Soke bud mowil gsengel nawaw, abay se deng te tódô suyó.

1 Pitér 3:12

Abay se yóm Dwata, là kô kó matahen du yó kem tau tedeng kmò le, ne sal gel henklinguhen yóm gel kni le béléen. Okóm yó kem tau gel mò sidek, hohonen lu.”

Kem Lingón 45:7

Tey bong nawahem du yóm tedeng, ne fen nutó nawahem yóm sidek. Yó gónóm mon, Dwata yóm hol kóm Dwata, deng hegetahen uu senta yó kem dumuhem mlan bè yóm deng ketwélen kóm yóm hnolo mit kligal.

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

Kem Lingón 42:5

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

Kem Lingón 33:18

Yóm Dwata, tendo bnenteyen yó kem tau wen klikò le du, yó kem tau gléd nawa le bè yóm là konolen yóm kbong nawahen kul.

Kem Lingón 99:4

Uu se yóm Hol Geta laen dù là gbeken du, henlom nawahem yóm tedeng, laen kô dù mtukul nfihem. Sal tedeng yóm gel nmoem bè Israél, ne sal tódô.

Kem Lingón 33:5

Tey hyu nawa Dwata du yóm nmò tedeng. Là kóen monol yóm kbong nawahen tau, tódô lengeben klamang benwu yóm nawahen yó.

Kem Lingón 21:6

Laen kô dù sónen yóm któbóngem du. Tey kehefligalem du lemwót bè yóm kmungem béléen.

Kem Lingón 5:12

Yakà tey któbóngem kul, Dwata, yó kem tau tedeng kmò le. Yóm kbong nawahem kul yó se mò kemlung kul.

Isaya 61:8

Yó udél Dwata, monen, “Hol nóyóu yóm kukum tedeng ne alì kenbéu yóm tau gel hemgnok kem dumuhen ne yóm gel mulé udin. Angat dohò keblayu kul ofol yó kem dou tau. Ne wen senfasad me, yóm fasad laen kô dù sónen.

Kem Lingón 146:8

ne htonen yó kem butô. Bud henwósen yóm blat nô ta yó kem tau meflayam. Tey kbong nawahen kul yó kem tau tedeng kmò le.

Kem Lingón 7:9

Nmoem sónen yóm sidek gel nmò yó kem tau gel mò sidek, okóm tnóbóngem yó kem tau mimón kóm. Uu temngón du, Dwata, yóm nô lem hendem tau ne yóm nô lem but blutut tau, yakà hono tedeng nmoem se kóm.

Kem Lingón 7:11

Dwata se yóm tedeng kkukumen. Ket kdawen lembut kul yó kem tau mò sidek.

Kem Lingón 37:28

Yakà tey hyu nawa Dwata du yóm tedeng. Là kô bayaen kul yó kem tau teneb béléen ne laen dù sónen yóm tendo kofinen kul. Okóm yóm kul lugod yó kem tau gel mò sidek, angat hdó le lu ta yóm tonok yó.

Kem Lingón 45:8

Yóm nesem, boohen yóm hboo alì minggel boluyen mira ne alus ne kasya. Bè yóm knóem lem yóm gónô bongem klóónen yóm sotu ngom bukay alì mebtes, hfungol le kóm uni yó kem kenbit le mò hmigal kóm.

Kem Udél Hlalak Tehe Selumun 15:9

Tey keklit Dwata du yóm kun kmò yóm tau gel mò sidek, okóm yóm tau hol sen-galuhen yóm ktedengen kenbong nawahen.