Kem Lingón 11:5 - Udél Dwata: Gna Kesfasad ne Lomi Kesfasad

⁵ Henklol tenngel Dwata yó kem tau tedeng kmò le dalang se yó kem tau sidek nmò le. Tey kutó nawahen kul yó kem tau alì móyô hemsidek tau.

Kem Lingón 11:5 Referans Kwoze

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

1 Pitér 4:12

Ó kem weu, dou dumu sogot nawa, bê ye tennga yóm tey keglayam ye nim kmoen ni lemwót bè yóm kehtahu ye. Sana ni ne kmoen bè yó kem tau hemtahu, sal wen gónó le glayam.

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

Kem Lingón 26:2

Tilówem ou, Dwata, hol hen-getem smisif dou. Tenngelem yóm nô lem but blututu, ne yóm nô lem hendemu.

Kem Lingón 7:9

Nmoem sónen yóm sidek gel nmò yó kem tau gel mò sidek, okóm tnóbóngem yó kem tau mimón kóm. Uu temngón du, Dwata, yóm nô lem hendem tau ne yóm nô lem but blutut tau, yakà hono tedeng nmoem se kóm.

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Kem Lingón 21:8

Ó Dwata, angat gotu kenfóem yóm kdê hohonem. Yóm alì kekgis sigel kwananem gónóm gemkfô kul yó kem tau kmutó nawa kóm.

Kem Lingón 139:1

Ó Dwata, deng gotu henklolem ne yóm dou kmò, laen kô dù là tngónem du béléu.

Kem Lingón 17:3

Bè yóm kifu deng kauyem dou sóól buteng, deng hensokolem yóm nô lem hendemu dalang se yóm nô lem but blututu, ne laen kô dù sidek tonem béléu Deng hol nô bè nawahu yóm là kegsalau ke mlan bè kudélu.

Kem Lingón 10:3

Yó kem tau mò sidek yó, tey henklabak le yóm sidek nô lem hendem le. Tey kdóyón le yó kem tau seglom, fen henmulà le uu, Dwata.

Malakay 3:3

Yó nmoen, nan e myón kmukum. Yó kmò kkukumen, hol lómón ke yóm tau hnò blówón bukay, gotu kóhen ke wen bolen. Hol lómón yó se angat nmoen bè yó kem sfu Libay, nmoen lu tau laen dù belenen. Yó kmoen du, lómón ke lu yóm tahu blówón ne blówón bukay hnoen anì kóhen ke wen bolen, ngangen efet tódô hono tahu duhen. Ke lómón yó, gbek le bud demsù du ebè Dwata yóm dsù henmóyóen.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Kem Lingón 5:6

Sal genlaem yó kem tau mò kéng. Tey sidek keklitem yó kem tau monok ne kem tau smukat.

Jirimaya 20:12

Ó Dwata yóm laen dù là gbeken du, tngónem se kóm yó kem tau tedeng kmoen, gel henklolem yóm nô lem but blutut le ne nô lem hendem le. Htonem do dé yóm fen kbelesem, yakà deng suu du lem hólólem yóm dou klowil.