Kem Lingón 11:4 - Udél Dwata: Gna Kesfasad ne Lomi Kesfasad

⁴ Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

Kem Lingón 11:4 Referans Kwoze

Kem Lingón 103:19

Bè longit gónó Dwata myón kmamal yóm klamangen, du se hol dandónen geta bè kdéen.

Kem Lingón 18:6

Okóm bè yóm alì ksidek kegnómu du, tmabahe ebè Dwata, htóbónge béléen. Tahu se, hnungolen ou bè yóm kun gónó nô. Gungolen yóm tey kehkoduhu béléen.

Kem Lingón 2:4

Bè yóm kungol Dwata du ditu bè yóm gónón myón kmamal bè longit yóm udél le yó, mom knulihen lu. Hennéen yóm atul le, atul laen dù olò gónón e mefet.

Hbakuk 2:20

Okóm kun yóm sana Dwata hol gónó mogot, deng nô bè yóm kun Gónô alì mólós. Yó kem kdéen tau talak tonok, bê ye abay bud mudél ke nô ye bè soluhen.”

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

Kem Lingón 33:13

Yó nmò Dwata, temngel gu ta bè longit ebè kdéen tau te tonok.

Deng Hegfan 4:2

Ne tódô sen-gengen se nô béléu yóm Tulus Dwata. Ne tódô tonu se bè yó bè longit yóm bangkù gónón myón yóm fen kmamal, ne tonu se yóm myón tahen.

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

2 Tisalunika 2:4

Nim tau ni, gotu natuen kdéen dwata kéng kkólen bè yó kem dumu gel hentahu kem tau, ne angat hegetahen knóen senta le. Balù yóm Gónô Dwata, tódô husek elemen, ne tódô myón bè yó, ne tódô monen du kun Dwata.

Matyu 23:21

Ke safaen Gónô Dwata, deng gomong safaen snéen Dwata, yóm nô lemen.

Matyu 5:34

Okóm ni dou bud tulón kuy, ke wen fasad ye, bê ye smafà. Bê ye abay safà longit, abay se bè yó gónó Dwata nô,

Kem Lingón 66:7

Lemwót bè yóm tey kegbeken, laen tul sónen yóm kkamalen yóm klamangen. Tendo tenngelen yóm gel nmò yó kem tau bè ket benwu. Béen wen tau tô hguluk matù du.

2 Tutul Israél 16:9

Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.”

1 Tutul Israél 17:5

Nbuten bè yóm kdaw tehe kehewau yó kem tau Israél gu bè Idyip efet nim kmoen ni, là kóe nô bè gónô se dou. Són bè yóm gónô gel nwit le mógów gónóhu gel nô.

Kul Nmò 7:49

‘Longit se gónóhu myón kmukum, mon Dwata, ne tonok yóm gónóhu hmótól tihu. Gónô du de tô hdà ye béléu? Gónó ye tô hemdà du de yóm gónô gónóhu angat nô yó?

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

Sikaraya 2:13

Yóm kkól Dwata bè ni gu bè yóm kun gónó nô hol mólós, hol bê le abay hebnes bè soluhen yóm kdéen tau.”

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

Kem Lingón 44:21

kaem deng tngón Dwata ne, yakà gotu tngónen du yóm kdê nô lem but blutut tau.

Kem Lingón 9:11

Sngal tekuy yóm sngal dmóyón ke Dwata yóm Dwata kmamal lemwót bè Sayun. Heglalag tekuy bè kem tau bè klamangen benwu yóm kdê deng nmoen.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.

Kem Lingón 14:2

Ne yó nmò Dwata, gel temngel elaan ebè yó kem tau te tonok, nénégen ke wen tau tonen hol hulung hedem, ne ke hol móyô tmaba ebéléen.

Kem Lingón 113:5

Tmau du se mkél bè yóm sana kut Dwata hol gónó mogot, yóm Dwata myón bè yóm gónón myón kmamal ditu hol fi tta?

Kem Lingón 139:23

Hol henklolem o, Dwata, hol tenngelem yóm nô lem nawahu. Hol tilówem o anì tngónem yóm nô lem hendemu.