Kem Lingón 11:3 - Udél Dwata: Gna Kesfasad ne Lomi Kesfasad

³ Ke deng gbà yóm udin lem benwu mò hembegel du, tedu se gmò yóm tau tedeng kmoen?

Kem Lingón 11:3 Referans Kwoze

Kem Lingón 82:5

Okóm yó kem tau hemgnok kul, laen kô dù tngón le. Là kô le hulung hedem. Hol lómón ke nô le lem kifu. Yó gónóm mon, là bud tonem du te tonok ne yóm tau tedeng kkukumen.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

Isaya 58:12

Angat yu bud hemdà kul yó kem deng tehe gbà gna, bud hdà ye ta yó kem tehe mò begelen. Yó angat boluy le kuy, kem tau bud hemgulék hemdà yó kem beng syudad deng tehe gbà ne bud hemgulék hemdà yó kem gónô tehe gbà.”

Kem Lingón 75:3

Ke megsinsig tonok, ne gotu le likò yó kem tau, botong le kenkel, ou se hol hbegel du yó kem hehek begel tonok.