Kem Lingón 11:2 - Udél Dwata: Gna Kesfasad ne Lomi Kesfasad

² Ngem yó kem tau mò sidek, deng eles bentul le boho le. Nô le bè gónón glilung, hnilung gentì le yó kem tau tedeng kmò le.

Kem Lingón 11:2 Referans Kwoze

Jirimaya 9:3

Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.

Kem Lingón 37:14

Yó kem tau sidek nmò le, dmilot le sudeng, ne bemtul le boho, tô hnatay le yó kem tau élél, ne yó kem tau tedeng kmò le.

Kem Lingón 21:12

Abay se bè yóm kton le du yóm kehdoem du ebélê le yóm kebtulem bohohem, tódô le gotu mlóy.

Matyu 26:4

Yó natul le yóm kmò klifut kekfô le ke Jisas anì ghatay le.

Kem Lingón 142:3

Bè yóm gónóhu là bud gbala, tódô tngón Dwata yóm lan mò lolou. Bè ket tô lanu, wen sù le du yó kem hohonu mò tô alu le dou.

Kem Lingón 125:4

Ó Dwata, hol nmoem yóm hyu bè yó kem tau gel mò du yóm hyu, bè yó kem tau gel mimón yó kem hlauhem.

Kem Lingón 97:11

Yó nmò Dwata bè yó kem tau mimón du, sal gel wen layag bélê le, ne gel hefligalen yó kem tau tedeng nmò le.

Kem Lingón 94:15

Yó kem tau tedeng kmò le, angat bud mulék ebélê le yóm kukum tedeng, ne tódô kdê le gotu lemolò du.

Kem Lingón 64:10

Kdê yó kem tau tedeng nmò le, hol le hligal lemwót bè yóm deng nmò Dwata, ne bè Dwata gónó le e mlo. Ne yó kem tau hyu kmò le, tey kdóyón le ke Dwata.

Kem Lingón 32:11

Yu kem tau gulit, hol ye hligal lemwót bè yóm deng nmò Dwata bélê ye. Ne yu kem tau mimón ke Dwata, hol ye hligal mensag.

Kem Lingón 10:2

Lemwót bè yóm keheklabak yó kem tau mò sidek, yó gónón alì sidek kehegnok le yó kem tau élél. Hol lu hebkóhem bè yóm sidek atul le eta yó kem dumu tau.

Kem Lingón 7:12

Ke là hegselen yóm tau, yó nmò Dwata, eles gel néhéken sudengen, eles gel bentulen bohohen.

Kem Lingón 7:10

Dwata se kemlung dou, gel hewaen yó kem tau mimón du.

1 Samwél 23:9

Okóm tikóng tngón Dabid yóm katul Sol du yó, yó monen mò ke Abyatar yóm tau blóng ebè Dwata, “Nwitem edini yóm ifod anì tngón te yóm kóyô Dwata bélê te.”

1 Samwél 18:21

Yó hendemen, “Ni yóm sotu lan hmolot ke Dabid anì hnatay yó kem Flistin.” Okóm yó udélen ebè Dabid, monen, “Bud wen se kmò klanen anì gtowuhu uu.”