Kem Lingón 11:1 - Udél Dwata: Gna Kesfasad ne Lomi Kesfasad

¹ Són Dwata yóm dou snalig mò gel mofin dou. Moen se ke mon ye mò dou, “Mlóyi etu lem bulul anì laen dù hemenem.”

Kem Lingón 11:1 Referans Kwoze

Kem Lingón 56:11

Són Dwata snaligu, yó gónów là likò. Laen dù gmò le béléu yó kem tau tonok.

Kem Lingón 25:2

Tey ksaligu kóm, Dwata. Béem abay henyak ou, duhen ke hefligalem yó kem hohonu bè yóm là kegmou.

1 Samwél 23:14

Lemwót ke Dabid, tódô hebnos bè yó kem bulul lemnek bè benwu laen hol wen tauhen boluyen Sif. Ket kdaw Sol mebel ke Dabid okóm là kô blay Dwata du elem hólólen.

Kun Snulat Luk 13:31

Bè yóm kmoen yó, wen kem Farisi sut bè Jisas, mon le mò du, “Béem là ksón nô bè ni ne, wen Hirod, tô hfatayen uu kun.”

Kem Udél Hlalak Tehe Selumun 6:5

ke là nam na lenwà knóem. Mkéli bè yóm onuk bnes gel hlayuk bè yóm alu nmò tau ne yóm uhu hemlóy yóm tau mlok.

Kem Lingón 16:1

Ó Dwata, hol nofinem ou. Són uu snaligu mò gónóhu heklung.

2 Tutul Israél 16:8

Là gehedemem du kô yóm tehe glumfak yó kem tau bè Ityupya ne kem tau bè Libya, mung kul yó kem tey sendalù wen le, kem klitun tók le ne yó kem sendalù le smakay kudà? Bè yóm kdaw yó, són Dwata snaligem, ne yó gónó Dwata bemlay kul elem hólólem.

Kem Lingón 31:14

Okóm, Dwata, són uu yóm dou snalig. Yó udélu, monu, “Uu se dou Dwata.”

Kem Lingón 9:10

Yó kem tau temngón kóm, Dwata, són uu snalig le. Abay se là kô nem e gel bayà kul yó kem tau hmebel kóm.

Kem Lingón 7:1

Ó Dwata yóm dou hol gónó mogot, són ebéléem gónów hofin. Lenwaem ou bè yóm kdê tau kemtes dou, hol lenwaem ou, Dwata.

2 Tutul Israél 14:11

Yó udél Asa hkodu bè Dwata yóm kun Dwata hol gónó mogot, monen, “Ó Dwata, tek són uu gembek tmóbóng kul yó kem sendalù laen hol gmò le bè yó kem sendalù alì layam. Hol tnóbóngem mi, Dwata yóm kum Dwata hol gónó mogot, yakà uu du yóm kum snalig. Ne mlan bè boluyem gónó me mógów ebè ni smolu ni kem tey sendalù wen ni. Ó Dwata uu se yóm kum Dwata, hol béem hlus ke gemmò béléem yó kem tau tonok.”

1 Samwél 20:38

Heflóngi, hgéhéli, béem feng nangat.” Tahu se, nwa yóm ngà yó kem hanak ne bud nwiten ebè amohen.

1 Samwél 27:1

Okóm ke Dabid, yó hendemen, “Angat wen kdawen hnatay Sol ou. Mom hyu ke mlóye etu bè benwu kem Flistin. Ke ni nmou là bud hnebel Sol dou bè ni bè benwu Israél. Laen dù hemenu ditu.”

1 Samwél 22:3

Kewót Dabid bè yó mógów ebè Mispa yóm benwu snakuf Muab ne yó hnihen bè yóm tau hol geta, monen, “Ke yó dum hyu béléem, móyói kô ke na le hlun nô bè ni yó kem tuhahu efet deng tngónu yóm angat nmò Dwata béléu?”

1 Samwél 19:11

Bè yóm kifu yó, wen kem tau dók Sol ebè gónô Dabid mò mentey du anì tô hnatay le bè yóm kehlafusen bè yó. Okóm yó nmò Mikal yóm yehenen nseben Dabid, monen mò du, “Ke là mlóyi kifu ni, hlafus haya matayi.”

Kem Lingón 7:2

Ke là lenwaem dou nsék le ou, lómón ke liyun le, dyol le ou mayuk anì laen dù lemwà dou.