Kem Lingón 109:4 - Udél Dwata: Gna Kesfasad ne Lomi Kesfasad

⁴ Tey kbong nawahu kul, okóm kul, mom hohon le ou igou sem gel mni kul bè Dwata.

Kem Lingón 109:4 Referans Kwoze

Kem Lingón 38:20

Gel bnalà le sidek yó kem hyu deng nmou bélê le, ne tey khohon le dou, abay se ndau yóm tedeng.

Kun Snulat Luk 23:34

Yóm igò le tmutuk ke Jisas, yó udélen, monen, “Hol hnifótem lu, Mà, abay se là tngón le du yóm nmò le.” Lemwót yó kem sendalù tmutuk ke Jisas yó, sensatù le nesen.

Kem Lingón 35:7

Igoen laen dù sidek nmou bélê le, ewenem sana tô kholot le dou. Laen dù sidek nmou bélê le, ewenem sana kokol le sol mò gónóhu btang.

2 Kurin 12:15

Baluen ke gotu blayu kuy kdéen gónóhu wen, tey bong he kligalu du. Ne baluen ke hotuhu són gelu tmóbóng kuy, mom hyu he nawahu du. Tey bong se yóm dou nawa kuy. Fen yó kô balà ye du yóm tey kudì nawa ye do?

Kun Snulat Jan 10:32

Okóm mon Jisas mò kul, “Tey deng dê ne yóm hyu deng hmò Mà dou lem blóng ye. Mahi du de bè yó kem nmou yó gónó ye tô tmudà dou botu?”

Kem Lingón 35:12

Mom bnalà le sidek yó kem hyu gel nmou bélê le. Tey sidek kegnómu du.

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

2 Samwél 13:39

Tikóng deng mkó klangag Dabid ke Amnon, yó mò du tey khahuen ke Absalum.

Kem Udél Hlalak Tehe Selumun 17:13

Ke bnalaem sidek yóm hyu là kóen mili bè gónóem yóm sidek.