Kem Lingón 102:9 - Udél Dwata: Gna Kesfasad ne Lomi Kesfasad

⁹ Yakà són du kohù kenu. Yóm lewoku, tódô gel mlel lem ninumu

Kem Lingón 102:9 Referans Kwoze

Kem Lingón 42:3

Tey tendo kkiku kemdaw ne kifu, hol lómón ke yó henged kenu. Lel ni kem hohonu, tendo gel smólók dou, “Nô se yóm Dwata gónóm hemtahu yó du?”

Kem Lingón 80:5

Tey sidek kehlóngónem kum nim kmoen ni, lómón ke yó henged tendo ken me. Ne yóm lewok me bè yóm gel kkik me, lómón ke yó henged tendo ninum me.

Mika 1:10

Hol bê tekuy abay tulón bè yó kem hohon tekuy bè syudad Gat yóm deng gefet bélê tekuy ni. Bê ye hton kul yóm kkik ye. Ó kem tau bè Bit-lifra, hlulid ye lem kfung mò gónó ye hegfan du yóm alì ksidek kegnóm ye du.

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Kem Lingón 69:21

Deng mom yó nmò le béléu, bè yóm kbitilu, mom hken le dou yóm gónóhu milu. Bè yóm kleengu, mom hinum le dou tifas bali.

Job 3:24

Lemwót bè yóm klangagu, balù udì ke wen óyóu mken, tódô senflósu dmolong.

Kem Lingón 42:11

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.