Kem Lingón 102:8 - Udél Dwata: Gna Kesfasad ne Lomi Kesfasad

⁸ Yó kem hohonu, snilef le kdaw tendo hemnê dou. Tendo utóm le boluyu bè yóm kehmulà le.

Kem Lingón 102:8 Referans Kwoze

Kul Nmò 26:11

Tey deng dê duléku ne hemsidek kul lem yó kem kul gónó gel stifun yó kem Ju. Yó hol kóyóu ke tebel le yóm kul kehtahu bè Jisas. Lemwót bè yóm alì kebutu kul gloku mebel kul ebè dumu benwu.”

Kul Nmò 7:54

Kogol yóm kudél Stéfén ebè yó kem tau hol geta mogot kukum, ya tey sidek kebut le du, sónmò le semdeken beeng le.

Jirimaya 29:22

Yóm katay le yó mò angat gel sentulón tau elem hulin kdaw, anì yó ke tô henmulaen kem dumun yóm sotu tau deng negef le, yó angat monen, ‘Hol angat nmò Dwata béléem he yóm tehe nmoen bè le Sidikaya ne Ahab, kem tau tehe dnutung Nibukadnisar matak.’

Kem Lingón 89:51

Hono hohonem, Dwata, yó kem tau hemnê yóm tau hol geta deng nélékem. Kihu gónón e solu, tendo hennê le.

Kem Lingón 69:20

Deng tey sidek kebà nawahu lemwót bè yóm tey kehnê le dou. Tey deng sidek ne kegnómu du. Ofol dou ke wen tau kmodu dou mò hemyu nawahu, okóm là, balù sotu.

Kem Lingón 55:3

Tey kehtê le dou yó kem hohonu, nifis le ou. Tendo hnayam le ou, lel le kmutó nawa dou, mung du lebut le.

Kem Lingón 2:1

Kihol le gel tô matù ke Dwata yó kem tau bè klamangen benwu? Kiholen dê gel tô atul le? Yakem wen se gónón e kól.

Sulat Pol Ebè Yó Kem Tau Hemtahu Bè Rom 15:3

Balù se ke Krays là kô hegnahen du kun knóyô. Lumun yóm deng monen bè udél Dwata, monen, “Ebéléu gónón gotu tódô yóm sidek kehnê le kóm yó kem tau.”Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Kun Snulat Luk 6:11

Ya tey sidek kebut le ke Jisas yó kem Farisi ne yó kem tau gel tmolok hlau bè yóm nmoen yó. Kewóten bè yó ne, tendo sensatul le yóm kmò le ke Jisas.

Kem Lingón 41:5

Okóm yó udél le tendo tmuled dou yó kem hohonu, mon le, “Kilón katayen anì tódô lana boluyen?”

Kem Lingón 77:5

Tendo hendemu yóm tey kehyuhen yóm gnan kdaw, bè yó kem tehe halay gnan ekni,