Kem Lingón 102:4 - Udél Dwata: Gna Kesfasad ne Lomi Kesfasad

⁴ Hol lómó kegnómu du, lómón yóm bnes deng menes, là kóen bud mnóm nawahu mken.

Kem Lingón 102:4 Referans Kwoze

Isaya 40:7

Mahil menes yóm bnes ne mahil mifù yó kem bulók ke wen lenos hayuf Dwata ebélê le. Hol lómón yó se yóm klowil tau, là kóen té.

Kem Lingón 37:2

Là kóen tahà klowil le yó kem tau yó. Mkél le bè bnes, mahil le menes. Lómón kenes le yóm hulu laen dù élen, hlós le matay.

Kem Lingón 77:3

Hendemu Dwata, ne botonge dmolong lanu hfu imaku tendo mangat yóm któbóngem dou.

Kul Nmò 9:9

Botong tlu kdawen là mton, ne là se dogen mken, balù él là kóen btang elem lówóhen.

Lanu Jirimaya 3:20

Efet katayu là kô naw e klifót du yó kem kdawu alì glayam, tey sidek kegnómu du.

Kem Lingón 102:11

Yóm klowilu, hol lómón ke yóm olung móyón kifu mahil lana, mkéle bè yóm bnes deng menes.

Kem Lingón 102:9

Yakà són du kohù kenu. Yóm lewoku, tódô gel mlel lem ninumu

Kem Lingón 69:20

Deng tey sidek kebà nawahu lemwót bè yóm tey kehnê le dou. Tey deng sidek ne kegnómu du. Ofol dou ke wen tau kmodu dou mò hemyu nawahu, okóm là, balù sotu.

Kem Lingón 42:6

Tey sidek kebà nawahu. Yó gónóm mon, tendo hendemu Dwata. Yóm tey sidek klóngónu ni, hol lómón ke munge konul bè yóm tey dunuk. Ne yó kem tey dê gfau, hol lómón ke tbó te kuluhu yóm tey él bè hikong lemwót gu bè yó kem bulul Hérmun ne bulul Misar. Ya tey lungkulen mool él Jurdan.

Job 33:20

Yóm tau wen desen laen kô dù bud óyóen mken, baluen ke tey mnóm yóm ken là kô kenen du.

Job 6:4

Yóm gbunuu ni, hol lómón ke deng gentien o yóm Dwata alì gembek. Yóm alas yóm hanaken hol lómón ke deng lengeben gu lem lówóhu. Yóm kdê lan Dwata gel hmikò yó kem hohonen, gotu hegnómen do.

2 Samwél 12:17

Mdà le klohoken yó kem tmuha genlal bè yó bè gónóen, nubug le anì olò mdà, okóm là kóen móyô ne là se kóen móyô mung kul mken.