Kem Lingón 102:3 - Udél Dwata: Gna Kesfasad ne Lomi Kesfasad

³ Yakà móyónen kmanas lómón kebel yóm dou klowil, ne yóm lem lówóhu là buden mgel.

Kem Lingón 102:3 Referans Kwoze

Sulat Jim 4:14

Hatan monem he ke deng tonem. Yakem eles tngónem yóm elem haya. Le hilu he kegenen mowil tau. Lómón ke kebel, tek likóten mbel, sana bud tódô kmanas.

Kem Lingón 37:20

Okóm yó kem tau mò sidek, là kóen tahà klowil le. Móyón le lana yó kem tau gel hmohon ke Dwata. Lómón klowil bulók lem bnes, ne lómón kebel ofi, là kóen legen ktonem kul.

Kem Lingón 31:10

Móyóne matay bè klangagu, hukolen towoku. Lemwót bè alì ksidek kegnómu du gónów là bud mgel. Lengok gu lem tiolu.

Kem Lingón 119:83

Laen dù bud muhu ne, hol lómón ke mkéle bè yóm sning kulit deng sidek. Balù lómón ni kmou, là kô klifótu du yó kem hlauhem.

Kem Lingón 38:3

Lemwót bè kebutem dou gónón wen desu. Deng lengok lem tiolu lemwót bè yó kem salau.

Kem Lingón 27:9

Hol béem abay henbnos ou. Béem lenbut ou, béem tódô hulék ou. Són sem uu yóm gónóhu gel htóbóng. Béem bayà ou tek sotu, Dwata. Són sem uu lemwà dou.

Kem Lingón 31:3

Uu se yóm botu gónów heklung ne gónów hofin. Hol nalakem ou anì gewae bè ni mò gónón megdóyón yóm kóm boluy,