Kem Lingón 102:23 - Udél Dwata: Gna Kesfasad ne Lomi Kesfasad

²³ Là dengen gfu he yóm dou klowil, deng sana hukol Dwata towoku.

Kem Lingón 102:23 Referans Kwoze

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”

Jirimaya 3:17

Bè yóm kdaw yó, yó angat boluy Jirusalim, Gónón Myón Kmamal Dwata. Ne angat le gotu stifun bè yó yóm kdéen but tau bè klamangen benwu mò gónó le hegfan du yóm kadat le dou. Là bud lolò le du ne yó kem sidek tehe gel nmò le lemwót bè yóm kgel kulu le.