Kem Lingón 102:21 - Udél Dwata: Gna Kesfasad ne Lomi Kesfasad

²¹ Duhen yó, angat hnigal dóyón le yóm boluy Dwata bè Sayun, dóyón le bè Jirusalim,

Kem Lingón 102:21 Referans Kwoze

Kem Lingón 22:22

Angat gel tulónu bè yó he kem dou kwen yóm deng gendengem béléu. Gel dóyónu uu lem blóng le, yó monu mò kul,

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Ifisus 3:21

Yake hol megdóyón dé Dwata lemwót bélê tekuy kem tau hemtahu béléen, ne bud megdóyón snéen lemwót bè Krays Jisas. Yóm kegdóyónen yó, yake béen abay wen sónen.

Kem Lingón 79:13

Duhen yó, laen dù tul sónen yóm tendo kdóyón me kóm mi kem kóm tau, yó kem ubiha gel hótóbem. Dóyón me uu efet kól bè yó kem hilu bud lugod me.

Kehewà 3:16

Lemwóti ne, nam e sentifun yó kem tau gónó le mogot yó kem tau Israél ne tulónem kul yóm deng kehegfanu béléem, yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Tulónem kul yóm deng knaulu edini ne yóm deng ktonu du yóm nmò le bélê le yó kem tau Idyip.

Kehewà 3:17

Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Kem Lingón 79:11

Hol hnungolem yóm dolong yó kem kóm tau deng negef. Móyón hnatay le lu, géhél lenwaem lu mlan bè yóm tey kegebekem.