Kem Lingón 102:2 - Udél Dwata: Gna Kesfasad ne Lomi Kesfasad

² Béem abay henbnos ou bè yóm kdawu glayam. Hgongi dou edini, géhél bnalaem ou ke tmabahe.

Kem Lingón 102:2 Referans Kwoze

Kem Lingón 69:17

Hol béem henbnos ou, Dwata, yakà ou du yóm gel tóbóng lówóhem. Tey bong nim hlayam nô tahu, géhél bnalaem ou ne.

Isaya 8:17

Deng henbnos Dwata yó kem tauhen, okóm dou sana ksaligu du ne són du ken-gel nawahu.

Kem Lingón 27:9

Hol béem abay henbnos ou. Béem lenbut ou, béem tódô hulék ou. Són sem uu yóm gónóhu gel htóbóng. Béem bayà ou tek sotu, Dwata. Són sem uu lemwà dou.

Kem Lingón 104:29

Ke knogolem lu, tey sidek klikò le. Ke bud nwahem yóm nawa deng blayem kul, matay le. Gotu le bud mulék ebè kfung bè yóm tehe gónó le gu lemwót.

Kem Lingón 70:1

Ó Dwata, hol hewaem ou. Holi hetlasik tnóbóngem ou.

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

Kem Lingón 143:7

Géhél bnalaem ou, Dwata, abay se laen dù bud lanu ne. Béem knogol o, kô mataye.

Kem Lingón 71:2

Lemwót bè yóm tey ktedengem, hol lenwaem ou lem hólól yó kem hohonu. Hol henklinguhem ou, ne lenwaem ou.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Kem Lingón 40:13

Hol lenwaem ou, Dwata, géhél tnóbóngem ou ne. Yó kem tau móló hmatay dou, hol senbewegem kehedem le anì laen dù gmò le.

Kem Lingón 31:2

Henklinguhem ou, hol hnungolem ou. Géhéli hetlasik lenwaem ou. Lómón ke uu yóm botu bong gónów heklung, yóm gónô hofin alì mbegel gónó le là gmafit dou yó kem hohonu.

Kem Lingón 22:19

Ó Dwata, béi hlayuk béléu, géhél tnóbóngem ou.

Kem Lingón 13:1

Ó Dwata, kegenen de duen yóm keklifótem dou? Klifótem ou ne kô efet kól bè sónen? Kegenen ne duen yóm kehebnosem dou?

Isaya 65:24

Baluen ke tolo lel le mni ebéléu, deng eles gegna ne yóm kbalau kul.

Kehewà 2:23

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Kehewà 2:24

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kem Lingón 17:1

Ó Dwata, hnungolem yóm knihu béléem anì uu kmukum dou. Hnungolem yóm kehtóbóngu béléem. Henklinguhem dou yóm hnihu, abay se hono tahu.