Kem Lingón 102:16 - Udél Dwata: Gna Kesfasad ne Lomi Kesfasad

¹⁶ Yakà bud hdà Dwata du Jirusalim, hegfanen yóm tey kegetahen.

Kem Lingón 102:16 Referans Kwoze

Jirimaya 33:7

Angat bud hen-guléku klowil le yó kem tau bè Juda ne yó kem tau bè Israél. Gotu bud hdau yó kem syudad le.

Kem Lingón 147:2

Bud hefdà Dwata Jirusalim, ne bud niten lu semfulék ebè benwu Israél yó kem tau deng tehe negef.

Mika 2:9

Yó kem libun bè yó kem dou tau, gotu lo ye lu gu lem yóm kul gónô kenbong nawa ne gotu nwa ye bè yó kem ngà le yóm tonok tehe blayu kul kól bè laen dù tul sónen.

Jirimaya 31:4

Angat bud hdau yu kem tau Israél. Lómó ktonu kuy hol lómón ke tolo ye sawang libun béléu. Angat bud nogot ye yó kem tamburin gel nuni ye anì bud ye hligal madal.

Isaya 61:3

Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.

Isaya 60:7

Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.

Isaya 14:26

Ni se yóm deng atulu bè klamangen benwu. Deng eles tayalu eta sigelu mò tmafak yó kem benwu hmohon do.”

Kem Lingón 97:6

Heglalag longit yóm tey ktedengen, ket benwu mton du yóm tey klinggelen.

Kem Lingón 69:35

Angat lenwaen Jirusalim bè yó kem hohonen. Bud hefdaen yó kem dumu benwu bè prubinsya Juda. Ne gotu le bud nô bè yó, yó kem kun tau, nfun le yóm klamangen.

Kem Lingón 51:18

Ó Dwata, hol tnóbóngem mi kem kóm tau bè kóm benwu bè Sayun. Bud hefdaem yóm beng hmilol Jirusalim.

Isaya 59:19

Lemwót bè yó kem benwu fi dmata kdaw kól bè yó kem benwu fi desdef, gotu le likò du. Knikò le yóm alì kfasangen. Yó kmoen kul bè yóm kógówen elem blóng le, hol lómón ke dunuk yóm tey él bong, duhen ke mbel yóm hol yéen lenos bong.

Isaya 60:3

Lemwót bè yóm keslinangem yó, yó gónó le hloni ebéléem yó kem dumu benwu. Gotu le hloni se kul yó kem tau hol geta mogot kul bè yóm kdaw bud kehgulék Dwata klowilem.

Malakay 1:14

“Yóm sotu tau, ke deng hol fasaden dou yóm keblayen du do yóm hol hyu bè yó kem ógófen, okóm mom yó blayen do yóm ógóf wen óngóhen, yóm tau mò kéng yó deng hol tahu golu elem hatay. Kiholen mò du béléu yóm yó, igoen ou se yóm hol geta bè kdéen ne gotu le likò dou yó kem tólóng tau bè dumu benwu,” udél yóm Dwata laen dù là gbeken du.