Kem Lingón 102:15 - Udél Dwata: Gna Kesfasad ne Lomi Kesfasad

¹⁵ Yó kem benwu talak tonok, angat setbol kkel le bè solu Dwata. Yó kem tau hol geta talak tonok, angat setbol kkel le bè yóm tey kegetahen.

Kem Lingón 102:15 Referans Kwoze

1 Bok Kem Tau Hol Geta 8:43

hol hnungolem yóm hni le bè yóm gónóhem nô dyó bè longit ne blayem kul yóm hni le béléem yó. Ke yó nmoem tódô kdéen tau bè klamangen benwu, angat temngón kóm ne angat wen klikò le kóm, lómón yóm kul gel nmò yó kem tauhem Israél. Omin le yó he angat temngón du yóm Gónô Dwata hdau ni mò gónó mit du yóm kóm boluy.

Kem Lingón 138:4

Kdê yó kem tau hol geta bè klamang benwu, angat tey kdóyón le kóm, Dwata, abay se kdê le angat mungol du yóm kóm udél.

Kem Lingón 86:9

Kdéen tau bè yó kem benwu deng nmoem, angat le gotu mógów ebéléem, ne heglaan le bè soluhem, Dwata. Angat dóyón le yóm kegetahen ne yóm klaen dù belen yóm kóm boluy.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Kem Lingón 72:11

Tódô kdéen tau hol geta bè klamangen benwu, angat le gotu mtud bukol bè soluhen. Tódô kdéen tau bè klamangen benwu, angat gotu mimón du.

Deng Hegfan 21:24

Yóm kun layag yóm syudad yó, gotu hlayagen yó kem tau bè klamangen benwu. Ne kdéen tau hol geta bè klamangen benwu, gotu nit le elemen yóm kul kendengen mò blay le du.

Isaya 55:5

Ne ni, bud yu angat tminok yó kem tólóng tau bè dumu benwu. Tehe là tngón le kuy, okóm ni ne tódô le kendel sut bélê ye anì gomong le bélê ye. Ou se yóm Dwata gónó ye mogot yu kem tau Israél yóm Dwata laen kô dù belenen. Angat gotu hdohou ni kem ni. Angat tey kadat le kuy yóm kdéen tau ne angat hegetahu yu.”

Nihimaya 1:4

Bè yóm kungolu du yóm kdéen ni, tódóe hdung myón ne tey kkiku. Botong hilu kdawu lemangag du yóm deng gungolu yó, là kóe mken. Tódô henlelu mni bè Dwata, monu mò du,

Nihimaya 2:3

bnalau se, monu, “Hol tahà he ktauhem. Moen se ke là lenbang nawahu du yóm syudad tehe gónó le lembeng yó kem tehe fuu, hanà tolo gebà ne yóm bak tikeben deng gotu mlób?”

Nihimaya 2:17

Okóm bè yóm kkólu yó, yó monu mò kul, “Deng hónô tngón ye se nim gfà tekuy ni lemwót bè yó sem tolo kegbà Jirusalim ne deng gotu mlób yó kem bak tikeben. Bud hdà tekuy dé yóm beng botu hmilol yóm syudad tekuy anì laen dù bud gónó tekuy myak.”