Kem Lingón 102:10 - Udél Dwata: Gna Kesfasad ne Lomi Kesfasad

¹⁰ lemwót bè alì ksidek kebutem dou. Yakà deng nulutem dou, ominem bud mbot do.

Kem Lingón 102:10 Referans Kwoze

Kem Lingón 38:3

Lemwót bè kebutem dou gónón wen desu. Deng lengok lem tiolu lemwót bè yó kem salau.

2 Kurin 4:9

Tey dê tau gel hmohon kum, okóm sal gel wen wè me. Wen se kdawen tey kehsidek le kum, okóm là kô hatay me du.

Kem Lingón 147:6

Gel tnóbóng Dwata yó kem tau hulung heglaan, okóm fen ndaen lem tonok yó kem tau gel mò sidek.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Kem Lingón 39:11

Ke gemsalà yóm tau, sal gel sentódóem mlan bè ktafakem du. Lómón kmoem du, lómón kaba, ninut kenem yóm alì mebtes béléen. Yóm klowil tau, hol lómón kukolen ayuf lenos.

Kem Lingón 38:18

Okóm gel benkasu yó kem salau, ne tey kegselu bè yó kem sidek deng nmou.

2 Tutul Israél 25:8

Ke hmungem lu bè yó kem kóm sendalù ebè gida, balù nô khulung ye sfatay, là kô ye gemmò. Angat blay Dwata uu elem hólól yó kem hohonem, abay se yóm Dwata wen kfasangen gemmò, ne wen se kfasangen hegmò yó kem hohonem.

Kem Lingón 42:4

Tey sidek kebà nawahu du sok gbel bè nawahu yóm gnan kdaw bè yóm kmungu bè yó kem tey tau wen mógów ebè Gónô Dwata. Ou se tehe tukô gna kul yó kem tey tau wen yó. Tey kligal le, gotu le semngal ne mensag bè yóm kdóyón le ke Dwata.