Kem Lingón 102:1 - Udél Dwata: Gna Kesfasad ne Lomi Kesfasad

¹ Ó Dwata, hnungolem dou yóm hnihu, hnungolem dou yóm knihu tóbóng béléem.

Kem Lingón 102:1 Referans Kwoze

Kem Lingón 18:6

Okóm bè yóm alì ksidek kegnómu du, tmabahe ebè Dwata, htóbónge béléen. Tahu se, hnungolen ou bè yóm kun gónó nô. Gungolen yóm tey kehkoduhu béléen.

Kem Lingón 61:2

Htóbónge béléem, kewótu bè sokol tonok abay se tey sidek kegnómu du. Hol nwitem ou ebè yóm botu geta sentahu gónón laen dù hemenu,

Kem Lingón 39:12

Hol hnungolem dou yóm hnihu, Dwata. Hol hnungolem dou yóm kehtóbóngu béléem. Béem tódô tenngel yó kem lewoku. Yakà tauhe lawa béléem, ne tauhe milo là legen, lómón yó kem tehe fuu ekni.

Kehewà 2:23

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Kun Snulat Luk 22:44

Tódô kem hotuhen nawahen mni bè Dwata igoen alì sidek kegnómen du. Bè yóm knihen yó, yóm ingeten temdak ebè tonok, hol lómón litô.

Kem Lingón 143:7

Géhél bnalaem ou, Dwata, abay se laen dù bud lanu ne. Béem knogol o, kô mataye.

Kem Lingón 143:4

Laen dù bud lanu ne. Alì sidek klikou, laen dù gmou.

Kem Lingón 5:2

Hnungolem yóm tey kehtóbóngu ebéléem. Laen dù dumu gónóhu mni, tek són béléem, yóm Hol Geta ne yóm dou Dwata.

2 Tutul Israél 30:27

Yó kem tau gel blóng ebè Dwata ne yó kem sfu Libay, mni le ebè Dwata bè yó kem tau, ne hnungol Dwata ditu bè gónón nô bè longit yóm kni le yó.

1 Samwél 9:16

“Haya lómón ni uras, wen tau hógówu ebéléem lemwót bè tonok Bindyamin. Tenwélem hnolo ta kuluhen anì du mò malak yó kem tauhu Israél. Du angat lemwà kul lem tdok yó kem Flistin, yakà deng tonu du yóm alì keglayam le yó kem dou tau ne deng gungolu yóm kni le tóbóng béléu.”

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kem Lingón 77:3

Hendemu Dwata, ne botonge dmolong lanu hfu imaku tendo mangat yóm któbóngem dou.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Kem Lingón 42:4

Tey sidek kebà nawahu du sok gbel bè nawahu yóm gnan kdaw bè yóm kmungu bè yó kem tey tau wen mógów ebè Gónô Dwata. Ou se tehe tukô gna kul yó kem tey tau wen yó. Tey kligal le, gotu le semngal ne mensag bè yóm kdóyón le ke Dwata.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”