Kem Lingón 101:8 - Udél Dwata: Gna Kesfasad ne Lomi Kesfasad

⁸ Tódô ketu kdaw smidok mebel kul yó kem tau mò sidek, ne lohu lu mayuk gu bè yóm syudad Dwata.

Kem Lingón 101:8 Referans Kwoze

Kem Lingón 75:10

Yakà deng mon Dwata du, “Kóhu yóm kul kfasang yó kem tau mò sidek, okóm bè yó kem tau tedeng kmò le, tennuu yóm kfasang le.”

Kem Udél Hlalak Tehe Selumun 16:12

Tey keklit yóm tau hol geta du yóm nmò sidek, yakà bè ktedengen du hembegel yóm kun kogot.

Kem Udél Hlalak Tehe Selumun 20:8

Sok bangen kmukum yóm tau hol geta gotu dilóen yó kem tau gel mò sidek ne knukumen lu.

Kem Lingón 48:8

Deng gel gungol me se ktiloben yóm syudad yó, okóm ni deng tódô kum mata se mton du, yóm kun syudad yóm Dwata laen dù là gbeken du. Kun syudad yóm Dwata tekuy. Laen dù tul sónen yóm klaen dù hemenen yóm syudad yó.

Mika 3:9

Ó kem tau malak bè Israél, ni mò hol hnungol ye. Deng mom kenbê ye yóm kukum tedeng ne henbaling ye sigol yóm tedeng.

Kem Udél Hlalak Tehe Selumun 20:26

Yóm tau hol geta hulung hedem dilóen yó kem tau gel mò sidek ne bè yóm ktafaken kul laen kô bud kodu mung du.

Kem Lingón 48:2

Yóm bulul hol geta alì tilob, tey kehligal yó kem tau bè klamangen benwu bè yóm kton le du. Yóm Bulul Sayun, kun Bulul Dwata, yóm kun syudad yóm Alì Geta.

Kem Lingón 46:4

Ditu bè syudad Dwata, wen él mlel lemen, gel mit kligal lem yóm kun benwu. Bè yó se gónón nô yóm kun Gónô Dwata yóm Dwata hol dandónen geta bè kdéen.

Deng Hegfan 21:27

Okóm là kóen gusek bè yó yóm là mólósen, duhen yóm tau gel mò yóm gónón hemyak knô, ne yóm tau gel mò kéng. Són olo gusek, són yó kem tau deng gsulat boluy le bè yóm bok lowil, duhen yóm kun bok yóm Ngà Ubiha.

Kem Lingón 92:10

Okóm deng tey kehekgisem dou, lómón kgis yóm safì tudu tabag. Ne tey kehyu kegnómu du lemwót bè yóm nmoem béléu.