Kem Lingón 101:5 - Udél Dwata: Gna Kesfasad ne Lomi Kesfasad

⁵ Là kô tódô bayau du kul yóm gel ktifù le kéng bè kem dumu le sebét ne yó kem tau heklabak ne kem tau hegeta knô.

Kem Lingón 101:5 Referans Kwoze

Kem Lingón 18:27

Sal gel lenwaem yó kem tau hulung heglaan, okóm yó kem tau hegeta knô, gel heglaanem lu.

Kem Lingón 15:3

ne là sidek kbaken ebè kem dumuhen. Laen kô dù sidek nmoen bè yó kem ween, ne là gel sentulónen kem dumuhen sebét.

Kem Udél Hlalak Tehe Selumun 30:13

Wen se kem tau alì salù le knô le abay se hendem le laen dù dumu tau gemsenged du yóm kul kehyu kmò.

Kem Lingón 50:20

Tendo ye seyón sentulón ye yó kem kuy dumu. Tendo tnifù ye kéng yóm dumu ye sulil-lem.

Taytus 2:3

Dalang se yó kem libun deng malay knawa le, hol nmò le se kul yóm gónó le madat kul yó kem dumu le. Bê le abay tódô sentulón kem dumu le. Bê le abay hlengel. Yakà bélê le du gónó le dmalang du yóm hyu yó kem libun lomi myehen.

1 Kurin 5:11

Okóm yó dé hol lanen yóm tehe snulatu, ke wen tau gel monen deng hentahuhen Jisas, okóm ke gel mò samuk duhen ke seglom, duhen ke hemtahu bè dwata kéng, duhen ke gel sidek kbaken, duhen ke gel hlengel, duhen ke gel mnagaw, yó se yóm monu, hol bê ye abay sen-gbót. Ne bê ye slomong mken béléen.

Kun Snulat Luk 18:14

Tódô tulónu kuy ktahuhen,” mon Jisas, “bè yóm kuléken ebè gónóen nim tau gel mtuk bwis ni, deng baling tedeng kton Dwata du. Fen là kun yóm Farisi yó koni. Yó gónóm mon, yóm tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Kem Udél Hlalak Tehe Selumun 20:19

Yóm tau lemnek ksumóngen gel tulónen yóm lifut tulón du, yó gónóm mon béi segbót bè yóm tau tódô faen kudélen.

Isaya 2:11

Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Kem Udél Hlalak Tehe Selumun 25:23

Yóm kdohò yóm lenos nbol kulón lemwót fi gu bwak lómón se yó kdohò kebut tau du yóm tau lemnek ksumóngen.

Kem Udél Hlalak Tehe Selumun 10:18

Mò kéng yóm tau hnalaen yóm kutó nawahen ke dumun. Ne yóm tau hensideken boluy kem dumun, book.

Kem Lingón 138:6

Balù yóm tey kegetahen yóm Dwata, ewenem sal gel sen-gifaen yó kem tau hulung heglaan, okóm hlayuk bè yó kem tau heklabak.

1 Samwél 2:3

Tenflok ye ne yóm keheklabak ye ne kehegmón ye. Abay se yóm Dwata, deng gotu tngónen kdéen ne gotu knukumen kdéen nmò tau.

Hlolò 19:16

Bê ye abay tódô lenbù tnulón kéng kem dumu ye. Ne ke wen tau tô kukum le du hatay, hol tulónem bè kukum ke wen tngónem gónóm gemtóbóng du. Ou se yóm hol gónó mogot.

Kehewà 20:16

Bê ye abay tnifù kéng kem dumu ye.

1 Timuti 3:11

Kólen bè yó kem yehen le, hol sneb kul snéen ke libun hyu kmò le, ne ke là gel sentulón le kem dumu le, ne ke là hlengel le, ne ke laen dù kéng nmò le.

Kem Udél Hlalak Tehe Selumun 21:4

Bè yóm kehtonen salù ne keheklabaken gónón galak yóm tau gel mò sidek ne yó se mit du gemsalà.